ساعات كتير اوي بنعمل الكيكة وبتبوظ مننا تطلع مكتومة تطلع ناشفة تطلع معجنة طيب هنرميها طيب هنعمل ايه !؟
طريقة عمل حلا ببواقي الكيكة
النهاردة هنعمل حلا بالكيكة اللي هتبوظ منك او هتبقي عندك بواقي زي مانتي شايفة كدا وتعالي شوفي هنعمل ازاي وكمان هنعمل معاها صوص فراولة حلو أوي علشان نعمل صوص الفراولة هيكون عندي كباية فراولة متقطعة مكعبات زي مانتي شايفة كدا هحط عليها نص كباية سكر ومعلقة عصير الليمون بس مش هضيف عصير الليمون دا دلوقتي.
هقلبهم تقليبة سوا مع بعض وهجيبهم علي نار عاليه وهسيبهم علي النار العاليه لحد مالفراولة بتاعتي دي تنزل الماية بتاعتها كلها اول متبدآ معانا تغلي كدا شايفين هي بدأت تغلي كدا.
ونزلت السوائل بتاعتها كلها من غير محطلها اي سوائل خالص ههدي النار دلوقتي خالص خمس دقائق يادوب معداش دقيقتين ثلاثة لسه هي عايزه تستوي كمان شوية هتغلي كمان خمس دقائق بالظبط علي النار خمس دقائق.
بعد خمس دقائق هنشيلها من علي النار شايفين دي كدا بعد خمس دقائق استوت والفراوله اتهرست خالص هضيف معلقة الليمون بتاعتنا وهقلب وهي غلوه واحده وهطفي النار علشان منزودش اكتر من كدا تقلب معانا بمربي.
تجهيز صوص للكيكة المفتتة بأسهل طريقة
احنا عايزينها صوص سايبة وسايله خالص كدا في الخلاط عندي هضرب الصوص بتاعي علشان انا عايزاه سايل مش قطع شايفين طلع معايا بالشكل اللي انتو شايفينو دا هو لونه فاتح شوية علشان نغمق اللون شوية جبت معلقة جيلي فراولة دوبتها في معلقة ماية ساقعة وهنزل علي الصوص بتاعي وهشغل عليه النار تاني ومجرد ميبدآ يغلي وهطفي عليه دا بس علشان يديلو لون احمر حلو شبة الصوص اللي بنشترية من بره مش عايزه تضيفيلوا الجيلي هو كدا حلو اوي شايفين هو مجرد مغلي خلاص طفيت النار وهسيبة بقي لما يبرد معايا خالص.
دا بعد مابرد شايفين اللون القوام كريمي ازاي احسن من اللي بنشتريه من برا شايفينه عامل ازاي وقوامة عامل ازاي ولونة احمر فظيع
علي فكره مش بالضروري تخلي لونه احمر كدا بس انا حبيت احطله الجيلي علشان اللون الاحمر
انما هو من غير اللون حلو اوي.
طريقة تحضير الكريم شانتيه
مكوناتنا نص كباية لبن ساقع نص كباية كريم شانتيه وربع كباية سكر السكر عندي هيبقي نص كمية الكريم شانتية واللبن بتاعنا دايمآ في كل مره بنعملة كدا وهقلبهم كويس دلوقتي بالمضرب والاسهل انك تضربية بالمضرب الكهربائي كدا بالشكل اللي انتو شايفية دا دلوقتي هجيب بواقي الكيك بتاعتي وهجيب الكريم شانتية والصوص اللي انا عملتة وابدأ بقي اشكل الكاس بتاعي زي متحبي انا كدا حطيت شوية كريم شانتية تحت الاول وفوقيهم الصوص وحطيت فوقهم شوية كيك وهنزل بالصوص كدا وهرجع احط كريم شانتية تاني ليكي حرية الاختيار ان انتي تظبطي الشكل زي مانتي عايزه بس دي احسن طريقة ان انتي تستفيدي من الكيك اللي باظت دي كانت بواقي كيك عندي وكانت هتترمي ليه نرميها احنا هنستخدمها في حاجات حلوه ومفيدة هتعجبنا وهنحبها
خلاص كدا بصوا دي اخر طبقة في الكيكة هننزل بقي بالصوص بتاعنا الجميل اللي احنا عاملينة دا واخر حاجه بقي هنزينة من فوق بكريم شانتية ونظبط الشكل بتاعنا ورشة صوص صغيرة بسيطه خالص وادي فراوله متقطعة وخلاص كدا معانا الحلا بتاعنا النهارده اسرع حلا وطعمة تحفة والصوص زي الجاهز واحسن يارب وصفتنا النهارده تكون عجبتكم اتمني تجربوها ومتنسوش قبل الفيديو بتاعنا ميخلص تعملولنا لايك جميل كدا وتشتركوا في القناة بتاعتنا لو مش مشتركين واشوفكم علي خير في الوصفة الجاية.