وصفتنا النهاردة وصفة رز حلوه اوي مختلفة جديدة هتريحك اوي لان كل الطبخة دي في حلة واحده فامش هتاخد وقت ومش هتاخد مجهود منك خالص 👌🏻
وغير كدا وكدا تغيير غير الرز العادي بتاع كل يوم غير الرز الشعرية اللي بنعملة كل يوم وطعمها تحفة عندك لحمة بروتين ورز وخضار كله كله في طبق 🍛 واحد
مش هتاحتاجي تعملي كل حاجه في حلة لوحدها
شايفين لما بتيجي تاخدي بتاخدي قطعة اللحمة بمعلقة الرز بتاعتك ومش هتحتاجي حاجه تاني
طريقة تحضير الارز المصرى باللحم
هنحط حلة علي النار فيها زيت سخن ونحط فصين مستكة
وعندي ربع كيلو لحمة 🥩 متقطع قطع صغيرة وهديها تشويحة كدا لحد لما تاخد اللون البني وتغير لونها معايا وهنزل عليها ببصلة 🧅 مكعبات دلوقتي بصلة صغيرة متقطعة مكعبات وهقلب تقليبة كدا وانزل عليها بورقتين لاورا 🍂
ومعاها شوية حبهان مطحون 🍶 انا بحب احط الحبهان مطحون
شوية فلفل إسود 🧂
شوية كمون 🧂
شوية كزبرة ناشفة 🧂
وهقلب تقليبتين كدا اشوحها كويس الريحة بقي مقولكوش كانت عاملة ازاي 👌🏻🍲
هنزل دلوقتي بالمايه علي اللحمة وهسيبها تتسلق لحد لما اللحمة بتاعتنا تستوي علي حسب اللحمة بتاعتك هتقعد وقت قد أي
خلاص سويناها واستوت معايا هجيبها هنا في الحلة عليها معلقة سمنة كبيرة وعليها بصلة متوسطة متقطعة مكعبات هنزل عليها بفص ثوم 🧄
هقلبها تقليبة حلوه كدا وبعد كدا هنزل دلوقتي بالبهارات بتاعتي 🧂
هي اللحمة هنا مستوية احنا مش عايزينها تستوي احنا بس هنسيب البصل دا يدبل شويه
نص معلقة فلفل اسود صغيرة وكمون وكزبرة هنقلب تقليبتين كدا هنزل معلقة صلصة كبيرة واقلبها كويس
هسيبة يدبل بقي خالص واغطي عليها
أخر حاجه حطتلها نص معلقة ملح صغيرة وهغطي عليها لحد مالبصل يدبل وينزل مايته في اللحمة وهنشوف دلوقتي هنعمل اي 👇🏻
عندي فيه طاسة هحط معلقة سمنة كبيرة وعندي كباية ونص بسلة علي جزر مغسولين كويس هنزلهم في السمنة واقلبهم كويس لحد لما يتشوحوا في السمنة بتاعتي
هجيب دلوقتي كبايتين رز مصري مغسول متصفي وهنزل علي البسلة بالرز بتاعي
انا عملت كبايتين رز عليهم كباية ونص بسلة
هقلبهم دلوقتي كويس واشوح الرز بتاعي كويس لحد ما اتأكد ان كل الرز بتاعي سخن وبقي مفلفل كدا من السمنة اللي محطوطه علية
خلاص هقلب كويس
أخر حاجه رشيتلوا معلقة ملح وهقلبة كويس
خلاص هو معتش محتاج يتشوح اكتر من كدا هو كدا خلاص خلص انا مش هحط اي بهارات تانية لان هنشوف دلوقتي احنا هنحط الرز علي اللحمة فمش هنحتاج بهارات
شايفين لما البصل بتاعنا نزل مايتة واستوي مع اللحمة مقلكوش ريحتها وطعمها كان رائع ازاي
هساوي دلوقتي اللحمة بتاعتنا في الحلة وهنزل عليها بالرز اللي انا شوحته دلوقتي .. اهو
انا هسيبلكم المقادير في صندوق الوصف كالعادة علشان اللي ملحقش يكتبها ياخدها سكرين شوت ويتأكد كدا من المقادير بتاعتة
واللي عايز طبعآ يضاعف الكمية يضاعفها انا بس عملت كمية صغيرة كنت عاملة كبايتين رز وحلوين يعني هيكفوكي لو انتي اسرة صغيرة مكونه من فردين او ثلاثة هيكفوكي هيبقوا حلوين اوي
انا هجيب دلوقتي ماية مغلية حوالي كبايتين وانزل بيهم علي الرز بتاعي
الماية غطت الرز كدا
هسيبو بقي يغلي لما يتشرب
كدا بقي الرز بتاعي اتشرب خالص
ههدي النار بقي خالص وهسيبة حوالي نصف ساعة
كدا الرز بتاعي استوي كلة ماشاء الله طعمة كان تحفة والرز كلة مستوي والخضار بتاعي مستوي
هجيب طبق دلوقتي ونقلب الحلة بتاعتنا علية اهو وخبطتين كدا علي الحلة
بسم الله ما شاء الله
الحلة كلها نزلت مفيش حاجة لزقت فيها خالص
اللحمة زي مانتو شايفين واخده كرملة كدا وتحميرة من تحت طعمة تحفة مقولكوش طعمة عامل ازاي 👌🏻
رائع ووصفة جديدة ومختلفة ومش هتتعبك خالص وهتحبيها وهتكرري تعمليها علطول
يارب وصفتنا النهارده تكون عجبتكم
بالفيديو الارز المصرى باللحم بطريقة مختلفة