الشاعر محمد حمدان ينشر قصيدة جديدة بعنوان يا أم الشهيد متزعليش

يا أم الشهيد ماتزعليش ..
بدمه ودمي بلدنا تعيش ..
وإن كان جراحنا هتحيى بكره ..
يبقي الجراح ماتهمكيش ..

دم الشهيد في رقابنا أمانه ..
أاااه في قلوبنا وعايشه معانا ..
بتسرى وتجرى من جوانا ..
صبرك صبرك وماتبكيش ..

مات بالغدر يا ألف خساره ..
عدو جبان وإيدين غداره ..
سابنا وساب في قلوبنا مراره ..
زيك برضو وماتنسيش ..

إبنك لأ مكنش الأول ..
لأ ولا عمره هيبقي الأخر ..
عهد علينا ومش هيطول ..
كل رقابهم ماتكفيش ..

و يا أم الشهيد ماتزعليش .

إقرأ أيضا،