انا شوفت كتير ايام حلوة ومرة
عن صاحب ندل سابني وباع
او بمعني اصح لسة مقلش وداع
هو لسة بيكلمني وعادي بس وقت المصلحة موجود
والكلام بينا بقا بحدود.. يجي يحكيلي خالد عمل اي مع محمود
يفضل ينبش ف الخلق لحد مبقا عايش ف اوهام
فجاءة وبكل هدؤ قل ما بينا الكلام
وأصبح كل اللي كان بينا هو السلام
حتي السلام بقا بالنظره بعد مكان بالاحضان
يا خسارة يا صاحب عمري كنت فاكرك راجل
وانك ضهري وجنبي لاخر الدهر
فاكر خطتنا لفرحي لما كان فرحك هو نفس فرحي
.. مكنتش متوقع ان كل اللي بينا يبقي مجرد رؤية حالات
او فجاءة بدون سبب تختفي المكالمات
صحيح للحق انت بتسائل ساعات
ذي مثلا لما تكون عايزة شويه حاجات
انا مش بعايرك بس انا محدش لي عليا مجاملات
انا مش لعبه معاك وقت متحب تجيلي العب معاك
ولا عيل صغير بتضحك عليه بشويه فكات
تضحك ف وشي ومن ورايا تكلم عليا…صدقني
انا مكتفي بذاتي مش محتاج اكون سد خانات
اقولك حاجه انت خساره فيك الكلام
ايوا زعلت شويه عارف ليه لاني صاحب تمم
مش ذيك بشيل وحط وبياع كلام
اتعلمت الاصول ودا طبع فينا
معليش كل واحد ليه طبعه برضك
ازاي هتكون راجل وانت حتي معرفشي تحافظ ع ارضك
منا ديما بتخان من قريب وغريب بس خلاص عمري مهوافق برجوعك تاني
انا عارف اني شاعر حزين واناني
بكتب بس شعري عن الصحاب وفراق الاهل واحزاني
خلاص مابقتش عايز اتكلم ف حاجه
اخترت الوحده وفضلت اكون مع حالي
انتو بصراحه مجتمع فاشل وبيقتل احلامي
اتخذلت من الاهل والصحاب واستاهل عشان كنت راضي
انت بعت ذي غيرك فصدقني خلاص مجتش من المرديي
اقولك من الاخر انا مش وقت لحد فاضي
