أشعل هاشتاج مصطفى أبو تورتة مواقع التواصل الإجتماعي منذ الساعات القليلة الماضية، حيث استيقظ الكثيرون على تداول نشطاء السوشيال ميديا قصة مصطفى إيجو بطرق كبيرة، وإليك القصة كاملة تعرف عليها:
من هو مصطفى ابو تورتة
نشرت إحدى الفتيات وتدعى نهال شعبان، صورة لها من حفل خطبتها على شاب يدعى مصطفى بإحدى الجروبات النسائية، كاشفةً عن تركه لها ومغادرته القاعة مع أسرته مدعياً أنه خاله مرض فجأة، ثم ذهب وتركها بالقاعة قبل اتمام حفل الخطبة أخذاً معها التورتة.
منشور نهال شعبان
وقصت الفتاة التفاصيل كاملة، كاتبةً: “أنا كان مقرى فتحتى زى ما كله عارف على مصطفى وخطوبتى كانت يوم السبت، اللى فات المفروض، كان بينا مشاكل زى أى اتنين عاديين، وقلت دا عادى بيحصل بس اللي متخيلتش إنه يحصل إنه يسيبنى فى القاعة لوحدى.. اتفاجئت إنه مش عازم صحابه ولا قرايبه كلهم، وحسيت فى حاجة غلط، حتى مامته وأخته مفيش واحدة فيهم جت باركتلى وقولت أمشى اليوم”.
وتابع الحساب المنسوب لنهال شعبان: “كل ما أقوله فين الشبكه اللى هنلبسها يقوللى أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال إيه خالوا تعب! فيقوم أهله كلهم يمشوا وأنا فى القاعة لوحدى بدور عليه الاقيه بيصرخ برا ويقول خالى عيان وبيلطم وحاجات غريبة كدا وأنا أقسم بالله ما مستوعبة اللى بيحصل هو فى واحد خاله عيان عيلته كلها بتمشى الستات اختفوا بس كانو بيهزروا فوق نسوا العيان”.
القصة كامل لـ هاشتاج انقذوا أحمد مجدي غريق شاطيء بحر دمياط
واستكملت نهال حديثها عن الموقف الذي تعرضت إليه من خطيبها، يوم حفل خطوبتهما، قائلة : “والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبستنيش شبكة.. وقبل كل دا بأيام جالى البيت وأخد التوينز بتاعت قراية الفاتحة بحجة إنه عايز يلبسنى كله مرة واحدة فى القاعة وأنا هبلة وافقت مجاش فى بالى للحظة واحدة انه هيعمل فيا كدا”.
منشور نهال شعبان
وأنهت نهال حديثها: “دلوقتى حابه أقول كل دا عشان ايه؟ كان ممكن ننهى بالمعروف من غير أذى نفسى ليا.. كان ممكن تسترجل وتيجى تقولى يلا نفركش وكنت لغيت الخطوبة.. مش جى وبترقص وتقولى محضرلك مفاجأة.. وفى نيتك تعمل فيا كدا.. حسبى الله ونعم الوكيل”.
فيما رد الشخص المشار إليه من قبل، من خلال حساب يحمل اسم مصطفى بعد انتشار منشور الفتاة بساعات، قائلاً: “لو عايزة تتكلمى احكى للناس الحكاية من البداية.. أنا ندمان على وقتى معاكى، أنا حبيتك بجد بس انتى للأسف ما تستاهليش الحب دا وكان لازم دى تبقى نهايتك”، مؤكداً لها أنه نادم على معرفتها، وليس نادم على الموقف الذي فعله بحقها يوم حفل خطبتهما، لتعاود نهال الرد مرة أخرى عليه، قائلة: ” روح اتعلم تبقى راجل وتعالى كلمني”.
هاشتاج مصطفى ابو تورتة
رد مصطفى ابو تورتة