تعرض المطرب الشاب محمد الشرنوبي لانتقادات من طلاب جامعة أكتوبر للعلوم والآداب الحديث والدكاترة بعد تصريحاته الأمس في أول فعاليات مهرجان الجونة السينمائي الدولي في دورته الرابعة مع الإعلامية لميس الحديدي في برنامجها كلمة أخيرة الذي يعرض علي قناة ON وقلل من شأن الدكاترة والكلية وطلاب الكليه علي حد قولهم.
حيث كتبت دكتورة رانيا شعبان علي حسابها الشخصي عبر مواقع التواصل الاجتماعي الفيسبوك قائلة:”لما تبقي متضايق من خطيبتك الأولانية اللي هي خريجة الجامعة، عيب أوي أنك تطلع في انترفيو تتكلم كده عن كلية وجامعة ليها مكانتها في المجتمع المصري.
وتابعت:”كلية إعلام بجامعة MSA فيها 1500 طالب وطالبة بقدرات تفوق قدرات ناس كتيرة بما فيها حضرتك، 7 مشاريع تخرج كليه إعلام MSA التيرم اللي فات عندها نسب مشاهده (موثقة) تفوق الـ800 ألف مشاهده في 3 شهور وممكن الرقم ده يكونأكتر من عدد مشاهدة اغنية لحضرتك.. وعدد من الحملات والأفلام الوثائقية اللي فازوا في مهرجانات محلية ودولية أكتر من عدد أغاني حضرتك كلها”.
وأضافت:” وعلي فكرة جامعة MSA دي.. ممكن تبقي مكان تحلم تدخل تغني فيه أغنيه واحده بس عشان جمهورك اللي فيها ..اللي حوالي 12 الف طالب او اكتر( اللي اكيد متضايقين من كلام حضرتك في برنامج عام).. مجرد حلم لحضرتك.
أختتمت:” متهيالي.. حضرتك لازم تنزل اعتذار رسمي لأن اللي حضرتك قلته ده غير Professional at all وميطلعش من شخصية عامة اللي المفروض أنها متعلمة ومثقفة وتعرف لما تبقي متضايقة من شخص ..متدخلش تشتم في الـinstitute اللي الشخص ده متخرج منه.. ولازم تعرف أن حضرتك شخصية عامة.. الكلمة محسوبة عليها ..والكلمة الواحدة الغلط ممكن تخسرك جمهور بمئات الألوف، أعتقد أنك لعبتها بطريقة ليست ذكية جدًا”.
في أثناء لقائه مدح الشرنوبي زوجته راندا رياض بطريقة غير مباشرة أشار أنها أفضل بالكثير من خطيبته السابقة سارة الطباخ.
قائلاً:” الجواز لطيف ومبسوط وسعيد ومستقر، وحسيت أن أنا اختارت صح، وحسيت إننا مناسبين لبعض، مش فكرة أني اختارت صح، معرفش هي شخصيات ممكن تبقى قابله عيوبي والعكس، فيها ميزة رهيبة أني بعرف اتكلم معاها في شغل، لما بتكلم معاها في حاجة بتبقى فاهماها، مش بتبقى زي واحدة جايبه من MSA”.
اقرا ايضا
