أثار رد الإعلامي اللبناني جورج القرداحي على مذيعة أحد البرامج أثناء حلوله ضيفاً، عند سؤاله عن رأيه في مشكلة ريهام سعيد المعروفة إعلاميا بقضية السمنة، جدلاً وغضبا واسعين، حيث جاء الرد قاسياً عن ريهام سعيد، قائلاً:”تستحق تنضرب بالجزمة”.
ما دفع “سعيد” للخروج لايف لكي ترد على الإهانة الموجهة إليها، من قبل الإعلامي اللبناني، ليأتي رد سعيد قاسياً بحجم الإهانة التي وجهت إليها، قائلة: “مين دي اللي تستحق تاخد بالجزمة، أنت اتجننت، إنت كبير في السن وممكن تكون خرفت بس مش للدرجادي”.
وأضافت ريهام سعيد خلال ردها الذي ظهر في مقطع الفيديو: “الأدب والذوق صعبين، وقلة الأدب سهلة وممكن أرد عليك وأهزأك وأخليك تعيط سواء في مصر ولا لبنان، وأخليك مش عارف تمشي في الشارع ويمكن اللي يشفعلك لبنان اللي أنت عار عليها”.
وتابعت: “اتكلمت عن اللي قلته في حلقتي بجهل شديد وقلت التخن مش من اختيار الناس، مكناش بنتكلم عن الناس اللي عندها خلل هرموني لكن كنا بنتكلم عن الناس اللي بتاكل واللي وصلت لوزن فوق الـ 300 كيلوجرام، ومكنش رأيي الشخصي وكان مجرد تقرير عرضته في البرنامج”.
واستطردت “سعيد” رسالتها الموجهة للقرداحي: “هل أنا مقدرش أقولك إني لو شوفتك في أي مكان أنا اللي هديك بالجزمة، لكن أنا مينفعش أعمل كدا عشان عندي بابا وماما ربوني وعندي بيت أصيل طلعت منه وعندي أخلاق متخلنيش اتكلم عن أي حد، فيه زملاء في الوسط بيغلطوا أو ناس بتزعل منهم زي شيرين عبدالوهاب، ومينفعش إني أقول دي تستحق تاخد بالجزمة، وفي مصر عندي جمهور طويل عريض معندكش ربعه”.
واختتمت ريهام سعيد الفيديو قائلة: “أنت صفر وأما تيجي تعمل برنامج توزع فيه فلوس وكل وظيفتك إنك تسأل أسئلة في برنامج جايب شهرته من برا أصلا، وهل أهلك ربوك على كدا، خسارة إنك وصلت للسن دا ومعرفتش لسه تبقى راجل”.
