قال وائل رياض مدرب المنتخب الاوليمبى أن الجيش المصرى هو أحسن جيش في العالم مؤكداً أن مصر ستظل قوية عقب مشاهدته لمسلسل الاختيار الذى يجسد قصة حياة الشهيد أحمد صابر المنسى .
وكتب شيتوس عبر فيس بوك : “سيبكم من قوة حلقة الإختيار وإستشهاد القائد أحمد_منسي ، علشان من أول حلقة وناس كتير بتستشهد لايقلوا عن منسي حاجة علشان كلهم في الجنة ونعيمها ، ولكن اللي جه في بالي ان اللي بنشوفه في مسلسل ده بيحصل في الحقيقة كل يوم ، ناس قاعدة تدافع عن الارض والعرض ناس كل همها انك تعيش في امان “
وأضاف نجم الاهلى السابق : “ناس بتنتظر الموت كل يوم في كمين قاعدين فيه واحنا قاعدين في بيوتنا امنين وبنتصارع في اشغالنا ومش داريانين باللي بيحصل ده واخرنا نقرا خبر ضرب كمين او استشهاد جنود نزعل ٣ ايام ونعمل حداد في التلفزيونات ونتهرس تاني مع دوامة الحياة ، من الاخر الدرس اللي اتعلمته من الاختيار هو ان جيشنا احسن جيش في العالم و جزمة اي جندي في الجيش فوق دماغي ومصر هتفضل قوية غصب عن اي حد “