قام أحمد عيد عبد الملك نجم نادي الزمالك ومنتخب مصر السابق بالسخرية من قرار رحيل حسام عاشور لاعب الأهلى .
ونشر عبد الملك علي موقع التدوينات الصغيرة ” تويتر “: طالما انت نادي منظم ومرتب ومحدش زيك ونادي اوروبي زي ما وجعتو دماغنا فأقل واجب لموضوع عاشور ده انك تنسق معاه بدل ما يطلع ويسيحلك كدة في الاعلام وهو الكابتن التاريخي بتاعك او مدير الكرة يحتويه .
واضاف” كان لازم اقل واجب ان يجددو لعاشور سنة هو اصغر من وليد سليمان علي فكرة ووليد جدد سنتين والتجديد للتكريم علي الاقل وموضوع البيان ده تذويق للموضوع لو عاوزين يجددوله كان هيتفقو مع الراجل ان اخر سنة ليه وتكريم اكيد ماكنش هيعترض بس هما ليهم مزاج
واعلن النادي الاهلي اليوم عدم التجديد لقائد الفريق حسام عاشور وفقا لعدم حاجة الفريق بخدماته حسب ما اعلنه الجهاز الفني بقيادة فايلر وتباينت ردود الأفعال ما بين مؤيد للقرار ومعارض
وايضا مؤيد لقرار رحيل اللاعب ولكن مع تكريمه بشكل يليق بتاريخه .
يذكر أن اتحاد الكرة قام بتجميد النشاط الرياضي لمدة أسبوعين وفقا لتعليمات من قبل رئيس الوزراء لمواجهة انتشار فيرس كورونا حول العالم .
