أعلن محمود فوزي لاعب منتخب مصر للمصارعه إصابته بـ فيرس كورونا المستجد (كوفيد 19) رسميا وتم نقله إلي المستشفي في الولايات المتحده الإمريكيه ووضعه في الحجر الصحي للاطمئنان علي حالته.

إصابة أول لاعب في منتخب مصر بفيرس كورونا

ويتواجد محمود فوزي حاليا بالحجر الصحي في الولايات المتحده وكان يحاول العوده في الإيام السابقه إلي مسقط رأسه بمصر لكن لم يعرف بسبب تفشي الفيرس بالخارج.

ونشر محمود فوزي عبر موقع التواصل الإجتماعي فيس بوك قائلا : ” اللهم الا اعتراض راضي بحكمتك يارب العباد ، انك اخترتني للاختبار والابتلاء كرونا واكتئاب وغيبوبة كله في شهر واحد في الاول ظهرت أعراض كرونا من ٣ أسابيع وانا كنت مفكرها برد عادي بس كان شديد جدا لاني عمري ما تعبت بالطريقه دي ولا ظهرت عليًا الأعراض دي قبل كده درجه حرارتي كانت 110f و كحه ناشفه جدا وجسمي كله في وجع مش طبيعي وصداع كان بيموتني، الحمد لله اني روحت المستشفي قبل ما يحصل التكدس اللي موجود في المستشفيات هنا في امريكا، المهم عملولي اختبار وطلع إيجابي، ووقتها قولت الحمد لله علي قدرك يارب حتي لو انا خلاص هموت انا راضي بقضاءك وحكمتك عشان رحمتك وسعت كل شيء، عملولي تنفس صناعي واخدت الادويه اللازمه وبعدها الحاله بداءت تستقر ووقتها طلبت منهم اني اكمل isolation في المنزل لاني المستشفيات بتجيبلي اكتئاب وانا حالتي النفسيه مش كويسه من قبل ما يجيلي الڤيروس “.

وأضاف محمود فوزري : ” كان جوايا يقين ان ربنا هيشفيني لانه عمره ماخذلني كل مره كان بيحصلي حاجه وحشه في حياتي برجع وأقول شكرا يارب علي الابتلاء راضي بحكمتك واختيارك ليا للاختبار والابتلاء، شكرا لحبكم ومشاعركم النبيلة ليا ودعواتكم بظهر الغيب والناس اللي كانت بتسأل علي من غير ما يعرفو انا بمر بإيه احساسهم اني مختفي بقالي فتره وقلقهم عليا ودعواتهم ليا كانت بتقويني كتير ، الحمد لله ان ربنا نجاني من الڤيروس والفتره اللي جايه هبداء أتعالج من اكتئاب حاد، بس انا واثق في ربنا وفي رحمته ومحتاج دعواتكم كتير الفتره دي لو سمحتم “.

وطلب محمود فوزي من الناس الإلتزام بالمنزل وتوخي الحيطه والحذر بسبب إنتشار فيرس كورونا بغزاره.