تداول نشطاء موقع فيس بوك قصة جديدة عن جدعنة أهل دمياط، مع الشاب رامي مجاهد 28 سنة والذى عثر على مبلغ 180 ألف جنيه فى أحد شوارع المحافظة وأعادها لأصحابها.
وتناولت تلك المنشورات امانة الشاب رامي مجاهد الذي يعمل في احدى مصانع الاثاث في قرية شطا، ويقيم في قرية الشعراء، حيث عثر على شنطة تحتوي على ما يقرب من 180 ألف جنيه مصري اثناء ذهابة الى عمله في الساعه 7 صباحا، بالقرب من محطة الاتوبيس.
واكد احد الشهود عبر صفحتة الشخصية على ان الشاب رامي عثر الشنطة بجوار محطة الاتوبيس اثناء تناول وجبة الافطار على احدى المقاهي بشارع جانبي، تحت الكرسي الذي يجلس عليه.
وبدورة بدأت رحلة البحث عن اصحاب تلك الاموال وترك رقم هاتفه الى صاحب المقهى وغادر الا ان اصحاب تلك الاموال عادوا مره اخرى الى المقهى وتمكنوا من الحصول على رقمه للاتصال عليه والذي كان اخر امل بالنسبة لهم.
وتابع احد الشهود قائلا” الناس زباين من الشرقيه جاين ياخدو عفش عروسين أخوات قعدة يلفو اكتر من 6 ساعات علي المعارض لغايه م اختاروا وجه يحاسبو مالقوش الفلوس قلبو الدنيا وبعدين افتكرو القهوة قال نسأل ودة اخر امل لينا ولم راحو القهوجي اداهم رقمه..وكلموة قابلوة خدوهم منه
الغريب في الموضوع أن رامي داخل علي جواز ومحتاج فلوس وكان بيستلف 2000 جنيه يوم الخميس لبتاع المطبخ ومتوفقش…الفلوس كانت في شارع جانبي مفيش فيه كاميرات ولو خدهم ومشي من الشارع الجانبي محدش هياخد باله..بس هو سبحان الله اللي تربيته حلال لو مال قارون ميغريهوش..الناس عرضو عليه مكافأة 2000 جنيه وهو مرداش لانهم شباب زيه وتعبانين في الفلوس”.
وتابع: “الحاج عاشور صاحب المعرض لم الزباين راحو ورجعو ليه ودفعو الفلوس وعرف الموضوع…خد رقمه وبعد لم الناس مشو كلمه يعدي عليه واداله 5000 جنيه الشاب مكنش راضي ياخدهم بس قاله دول بتوعك لأن لو كان في سمسار في البيعه كان خد اكتر منهم بس هو ربنا سبب أن مفيش سمسار يقابلهم ويجو لوحدهم فدة رزقك انت”.
وسرعان ما تحول اسم رامي الى الاشهر على فيس بوك، بالتزامن مع تداول قصتة ورفضة الحصول على مكافأة نظير امانته في اعادة تلك الاموال.
إقرأ أيضاً
