ظهر الفنان محمد رمضان خلال مقطع فيديو نشرته عبر صفحته الشخصية بموقع التواصل الإجتماعي فيس بوك، رداً منه على الفيديو السابق الذي نشره الطيار الموقوف أشرف أبو اليسر، وخرج ليوضح تفاصيل الأمر الذي وقع بينهما للجمهور بعد الهجوم عليه واتهامه بالتخلي عن الطيار الموقوف.
وروى رمضان ما حدث منه تجاه الطيار الموقوف لتعويضهم عن عمله الذي فقده، قائلاً: “جمهورى الغالى شعب مصر الحبيب.. لكل متابعى أزمة الكابتن الطيار أشرف أبو اليسر.. أنا زي ما وعدت عمرى ما هتخلى عنه.. أول أمبارح الحمد لله كلمت صديق ليا مدير شركة للطيران الخاص وحكيتله الموضوع، وقالى إن شاء الله خلال أسبوع يكون اشتغل ورجع لمهنته”.
واستكمل محمد رمضان حديثه في مقطع الفيديو، قائلاً: “كلمت الأستاذ سعيد إمام مدير روتانا، وقولتله يتواصل مع الكابتن أشرف، يقوله محمد رمضان ينتظر الـ CV، علشان كلمت شركة إماراتية، وكان رده إنه مش هيبعت الـ CV.. فده الحل من وجهة نظرى.. طبعا ده اللى كنت أقدر أعمله.. ولكن الكابتن أشرف بعت المحامى الخاص به، وقعد مع مدير الحسابات الخاص بيا، وكان اللى عوضه ويرضيه.. فحسب حسبة كان باقيله 3 سنين ويطلع على المعاش بالإضافة لمكافأة نهاية الخدمة، وبالإضافة للمعاش وشوية حاجات.. جمعهم وقالى إنه محتاج 9 ونص مليون جنيه.. فأنا سايب الحكم للى بيعلقوا وبيقولوا محمد رمضان تخلى عن الراجل.. لو انتوا شايفين إن ده يرضى ربنا أنا هعمله عادي جدا.. أنا سايبلكوا الرد”
الطيار الموقوف فى واقعة محمد رمضان يروى تفاصيل إيقافه عن العمل مدى الحياة
