هاجمت الفنانة الإستعراضية دينا، المطرب الشعبي عمر كمال، بعد تصريحاته الأخيرة عن استغنائه عن وجود راقصات من حوله في أعماله الفنية.
وقالت دينا في تصريحات تليفزيونية لبرنامج “عرب وود” :”أنا مش فاهمة أساسًا هو عايز إيه؟، عايز يتقرب من الناس، الناس بتكشف الكذاب وهو كذاب”.
وأضافت دينا: “بعد ما تعمل اسمك من وجود رقاصة جنبك جاي دلوقتي تتنصل من الموضوع طب ما تقعد في البيت”.
واستنكرت الفنانة الإستعراضية دينا من تصريحات عمر كمال، خاصة أنه في الأفراح يحرص دائمًا على وجود راقصات من حوله وقالت: “مليون واحدة بترقص حواليك في الفرح.. أنا ما بحبش النفاق زعلان أوي من الرقص دلوقتي، أنا ما بحبش النفاق والكذب”.
عمر كمال يستغنى عن الراقصات في أعماله الفنية
وصرح عمر كمال بعد تعرضه للانتقادات بعد نشر فيديو كليب غنية “ضيعنا” مع الفنان عبدالباسط حمودة والاستعانة بالفنانة الاستعراضية أوكسانا، أنه استغنى عن وجود الراقصات في أعماله الفنية، وقال: “أوكسانا فوق راسي، إنسانة كويسة ومحترمة، وده شغلها، بس ممكن الناس مش متقبلة ده، وعشان كده قررت أبعد عن ده خالص”.
