تحدث المنتج والمخرج مجدي الهواري عن موقف الفنان أحمد عز مع نجم نادي الأهلي مؤمن زكريا من خلال حسابه الشخصي عبر مواقع التواصل الاجتماعي الفيسبوك.
كتبت مجدي الهواري علي حسابه قائلاً:” صباح الخير .. في كلمتين من قلبي عايز اقولهم ياجماعة .. اولا: عن الانسانية الحقيقة انا متفأل لان الناس لسه عندها استعداد تتحمس وتشارك وتتفاعل في اي حاجة فيها فعل وعمل انساني ، بس مستغرب ان بعض الناس شايفة الموضوع جديد علي الفن .. لا خالص ! ياجماعة ده هو ده دور الفن .. لانه ببساطة هو الحياة والحياة من غير الانسانية مش حياة”.
واضاف مجدي:” ياريت نتذكر ان رسالة الفن مش بسيطة وسهلة زي مابعض الناس فاكرة لا دية ضرورية ومهمة جدا لانها بختصار واجبة الحدوث وبتحرك قلوب ومسئولة عن اسعاد الناس وتقديرهم ..والحمد لله اهو كان مبسوط امبارح وسعيد بالعرض وتكريمه يبقي كده جون لينا الحمد لله”.
واستكمل مجدي:” يعني بعد موقف امبارح اللي هو واجب علينا للنجم #مؤمن_ذكريا لما اتحاد الكورة يقرر يعمل ممر شرفي له في مبارك القمة النهارده بعد اللي حصل امبارح !! كده احنا عملنا دورنا .. ده دور الفن ياجماعة بس اللي يفهم .. ثانيا : الحراق #مؤمن_ذكريا .. حبيب القلوب . والله ده اقل حاجة نقدره بيها .. قلوبنا معاه كانت بتتقطع امبارح عليه .. ربنا يشفيه ويرجعه تاني يمتع جمهوره وكلنا ندعيله”.
اختتم مجدي حديثه:” كل فرقة علاء الدين امبار ح كانت بتعمل دورها في المجتمع برسالة حب من الفن المصري الي الانسانية .. اطمنت اننا لسه عايشين والله ياجماعة لما الناس قامت تصقف ربع ساعة علشان بتقدر #مؤمن_ذكريا وقلوبها معاه حاجة جميلة من #جمهور واعي مثقف محب للفن ويقدر الاخر الفنان تحياتي له وتحياتي لكل اعضاء فرقة علاء الدين اطمنت علي قلوبكم كل فرقة #علاء_الدين لما بكيتم اتقطعت قلوبنا .. الحمدلله علي نعمة الاحساس .شكرًا فرقة علاء الدين ربنا يجعل ديمًا قيمة الانسانية في قلوبكم وتكونوا ديما سفراء الفن المصري .
اقرا ايضا
