قامت الفنانة علا رشدي بنشر فيديو على حسابها الشخصي في موقع التواصل الاجتماعي انستجرام، وكانت تتحدث في الفيديو عن القضية الأكثر تداولا الآن ألا وهي التحرش، وعلقت الفنانة قائلة “موضوع التحرش مهم جدا ولازم نتكلم فيه شوية، أنا كان نفسي صوتي يكون واضح بس للأسف آلة جز الزرع اللي معرفش اسمها ايه اشتغلت ومخدتش بالي فاعذروني”.
تحدثت علا رشدي في مقطع الفيديو عن التحرش وأوضحت أنها مثل جميع السيدات في مصر تعرضت لتجربة التحرش، وقالت أن الأشخاص المتحرشة ما هي إلا أشخاص مريضة، وقالت الفنانة “للأسف أنا شوفت كلام كتير على موضوع التحرش وانا زيي زي أي سيدة مريت بيه، التحرش بيبدأ ببصة وبينتهي باغتصاب”، وأضافت أيضا “أنا مكنتش عايزة اتكلم عن الموضوع غير لما أوصل لحلول أو نصائح”.
ثم قالت “التحرش بقى شيء عادي وطبيعي من الراجل لأي ست، سواء كانت عريانة أو حتى لابسة محتشم، الراجل بقي شايف أنه طالما دي ست يبقي يتعمل معاها أي حاجه، وأنا شايفة أن الوعي مهم جدا لما نربي أولادنا أو بناتنا، لازم نعلمهم أن جسمهم ده محدش يلمسه أو يستحقره”.
اقرأ أيضا
