طريقة عمل أحلى طبق شوربة سيفود من صباح المطبخ

طريقة عمل أحلى طبق شوربة سيفود من صباح المطبخ
أحلى طبق شوربة سيفود
https://www.sba7egypt.com/?p=541910
صباح مصر
موقع صباح مصر
صباح مصر

الأول علشان اعمل شوربة سيفود لازم يكون عندي مرقة سمك انا عندي قشر جمبري ومعايا عود كارافس وجزراية وبصلاية وملح وفلفل وكمون وشوية جنزبيل بودر.

 طريقة عمل أحلى طبق شوربة سيفود

هحط شوية زيت في الحلة كدا وهنزل بقشر الجمبري بتاعي الراس بتاعته والقشر اللي احنا قشرناه

واديلو تشويحة كدا لحد لما اللون القشر يتغير هنزل بقي بالجزر والبصل وعود الكارافس وعلي فكرة عود الكارافس دا بيعمل ريحة حلوة اوي بعد كدا هنزل بالبهارات بتاعتي هي ملح فلفل كمون كزبرة ناشفة بس وهقلب تقليبة كدا كويسة كأنك بتعملي شوربة بالظبط هنزل عليها بالمايه السخنة وهسيبها تغلي غلوتين كدا علشان طعم البصل والبهارات يتغلي فيها وهطفي عليها.

هغطي عليها بقي شايفين الريم دا نشتاله علشان الشوربة بتاعتنا ميبقاش فيها ظفارة خالص وخلاص كدا هي هتغلي غلوة كمان وهطفي عليها وهسيبها بقي.

مش عايزة اقولكم الريحة كانت فظيعة فظيعة هنسيبها دلوقتي تغلي.

مكونات شوربة السيفود

وتعالو نشوف معانا ايه علشان نعمل شوربة السيفود

مش لازم يكون عندك كل الحاجات علشان تعملي شوربة السيفود

انا كان عندي جمبري وكابوريا وجاندوفلي غسلتهم كويس و نقعتهم كويس في ماية وليمون وشوية خل كدا ونظفتهم كويس وجبت بصلاية متوسطة وفصين ثوم وعود كارافس ملح وفلفل وكمون وشوية جنزبيل وهنزل بالكلام دا كله في حله يتشوح في نقطة زيت كدا وهنزل بقي بالسيفود بتاعي دا واشوحة تشويحة كدا مش شرط يكون عندك كل مكونات الشربة اي حاجه عندك هتمشي هو اصلا اي حاجه في السيفود سواء الكابوريا اوالجمبري او الجاندوفلي بيدو طعم رائع بصراحة هنمشي نفسنا يعني باللي موجود هنديلو تشويحة كدا لحد لما لون الحاجة يتغير وهنزل عليه دلوقتي بالبصلاية وفص الثوم وعود الكارافس بس كظا انتي عايزة تحطي جزر ماشي عايزه تحطي اي خضار تاني ماشي بس هو كدا حلو أوي هنديلها تقليبة كدا وتشويحة حلوة علشان تاخد من ريحة البصل الكارافس والبهارات دي هنزل عليها بالبهارات بتاعتي دي هي دي البهارات اللي انا بحطها بس

عايزة اقولك لو انتي معندكيش مرقة سمك ومعندكيش مثلآ قشر جمبري

هي شوية بهارات سمك وهحطهم وخلاص ومعندكيش بردو هي التشويحة اللي احنا عملناها دي وتنزلي عليها بماية سخنة بس احنا هنا نزلنا بالمرقة اللي انا عملتها دي صفيتها من القشر ونزلت عليها وهغطي عليها بقي دلوقتي تغليلها غلوتين كدا مش اكتر من خمس دقايق لان الجمبري كل لما بيقعد علي النار بيشد اكتر شايفين هنشيل الريم دا علشان ريحة الظفارة تطلع خالص من الشوربة

شوربة السي فود في منها نوعين

ممكن تتشرب شفافه كدا من غير متكون بيضة ولا فيها كريمة او لبن وبتبقي حلوة بردو ونزودلها لبن الاخر او كريمة اللي هي مشهورة والمعتاده في جميع المحلات

فعلي حسب حريتك انتي

احنا كدا خلاص شيلنا الريم تقريبآ اللي علي الوش ونسيبها كدا تغلي لما تستوي شايفين شفافة ازاي هي كدا حلوة اوي

جبت دلوقتي عندي فنجان لبن صغير كدا ونزلت بية في الشوربة بتاعتي علشان تبقي معايا بيضة وطعمها حلو هي الاساسي هما بيحطو فيها كريمة طبخ عادي بس احنا ممكن نعملها من غير كريمة وبتبقي حلوة اوي بردو.

معلقة الزبدة اللي في الاخر دي بقي بتديلها نكهة وريحتها فظيعة وطعم غني كدا بتبقي طعمها فظيع

هنقلبها تقليبة بس ومش هنسيبها تغلي كتير احنا بعد لما بنحط اللبن هنسيبها تغلي غلوتين ونطفي عليها هنملح بقي الملح بتاعنا علي حسب مانتي بتحبي ملح قد ايه وخلاص كدا

عايزه اقولك دي اسهل حاجه ممكن تعمليها مفيش عشر دقايق بتكون جاهزه معاكي وبس كدا

طلعت معانا بالشكل اللي انتو شايفينوا دا احلي طبق شوربة ممكن تاكلوه متنسوش تعملولنا لايك وتشتركوا في القناة بتاعتنا.

 

يمگنگ الإطلاع على: احلى غدا ممكن تتخيليه | السمان البلدي بوصفة سهلة ولذيذة