نقدم لكِ سيدتي نصائح سوف تفيدك في المطبخ نقدمها لكِ سيدتي من خلال موقعنا مطبخ صباح مصر وسوف نشرح لكِ هذه الخطوات من خلال هذا المقال.
نصائح هامة للمطبخ
1. نقوم بحفظ قشر الليمون لاستخدامه لاحقاً في السمك المقلي لمنع الرائحة.
2. تبلي السمك بملح وفلفل وكمون وشطة ونشا، بيكنج بودر وقبل القلي نقوم بوضعه في الماء بسرعه لتحصلين علي لون ذهبي وقرمشة.
أهم النصائح للمطبخ
3. ادهني الفراخ والبط الكاتشب وملح وفلفل قبل ما تحطيها فى الفرن هيخلي لونها ذهبي.
4. لف الليمون في ورق ورائد عشان يحتفظ بلونه.
5. تشوح اللحمة في الزبدة وحبهان وورق لورا قبل السلق تأخذ صدمة عشان يبقى لونها بني وجميل مش بيضاء.
6. نقوم بتشويح الارز الابيض بالمستكه والحبهان في السمن قبل وضع الأرز هيدي رائحة حلوة.
7. نضع ملعقة صغيرة بيكنج بودر على عجينة الكفتة ما يخليها تكش وتكون منفوشة زي ما هي.
8. نجيب جبنة مثلثات أو كريمة طهي وقشطة وجبنة رومى مبشورة وثلاثة ملعقة كبيرة مايونيز في صوص البشاميل ونضع على الوجة جبنة موزاريلا علشان تخلي المكرونة تطلع جامدة.
أهم النصائح للمطبخ
9. نضع علي تقلية الملوخية مكعب ماجي فاين فوود.
10. نقوم بوضع ذرة خل أو سفن أب علي خليط الكيك لتصبح هاشة وخفيفة.
11. رشي دقيق علي بصل الكشري قبل التحمير ليصبح مقرمش.
12. نضع 1 ملعقة كبيرة زبدة مع الزيت هيبقي مثل الجاهز.
13. نضع زعتر علي صلصة المعكرونة تعطي نكهة مميزة ورائحة حلوة
14. نضيف علي الأرز بلبن باكو كريم شانتيه هيخلي الطعم زي الجاهز بالظبط.
15. نضع علي خليط البسبوسة عسل أبيض أو عسل ثقيل لتصبح مثل الجاهزة وأحلي كمان.
16. أكياس الشاي مترميهاش سقعيها تحطيها علي عينك للإجهاد والهالات السوداء حولين العين.
17. نقوم بنقع الدجاج أو السمك أو حلويات الخروف في ماء وملعقة كبيرة من الطحينة سوف تلاحظين عدم وجود رائحة غير مستحبة.
18. نضع ملعقة كبيرة من البيكنج بودر في الشوربة اللي هتسقي بيها الرقاق باللحمة هيبقي مقرمش ومورق.
19. نضع زبادي في تتبيلة البانية بيخلية طري ومستوي كويس.
أهم النصائح للمطبخ
20. نضع ملعقة صغيرة من العسل الأبيض في تتبيلة الفراخ المشوية بتدي طعم حلو ولون مميز.
21. البطاطا المشوية أعمليها في كيس حراري ورشي عليها سكر وتدخليها الفرن هتستوي أسرع وهتبقي حلوة.
اقرأ أيضا:
