النهارده هنعمل وصفة عيش حلوة أوي ولذيذة ورمضان كمان داخل علينا وهتبقي حلوة اوي اوي للسحور وخفيفة كدا ومقولكوش عاملة ازاي
شايفين الطراوه والنعومة شايفين ملبن
النهاردة هنعمل عيش بالزبادي احلا حاجه ممكن تاكلوها وتفطرو بيها لو جربتوها مش هتبطلوا تعملوه تاني عايز اقولكوا ريحة الخبيز في البيت اصلا الحاجه الوحيده الخير والبركة في البيت انا من يوم ماجربت عيش الزبادي دا معنتش بعمل الا هو
تعالو كدا نشوف مقاديرنا وهنعملوا ازاي 👇
انا عندي هنا نص كيلو دقيق اربع كبايات
عندي هنا معلقة خميرة كبيرة في ماية دافية ومعلقة سكر وسبتها لما لما تفاعلت وبقت بالشكل دا
هنزل علي الدقيق وعليهم رشة ملح هقلب الخميرة بتاعتي كويس في الدقيق وعندي زبديايا بلدي او اي زبادي انتي بتستعمليها هي زبديايا واحده علي نص كيلو وهقلب كدا كويس وهشوف الدقيق بتاعي محتاج ماية قد ايه وعلي حسب الدقيق بتاعي هبدأ انزل بالماية بس خدي بالك لان الزبادي بيخلية يسيح شوية فمتكتريش ماية واحده واحده لحد مالعجينة كلها تلم في إيدك هبدأ اعجن دلوقتي لحد معجينتي تلم خالص ومش هزود مايه حتي لو سايحه شويه موش مشكله
خلاص انا لميت عجينتي دلوقتي والبوله نضفت خالص هغطيها تخمر علي الاقل ساعه واسيبها ترتاح
شايفين بعد ماخمرت اتضاعفت ازاي
الصوباع دا معناه كدا انها خمرانه
هتجيبي دلوقتي صينيه او الحاجه اللي انتي حابه تفردي عليها انا جبت دلوقتي عندي الصينيه بتاعتي وهبدا اشكل العجينه بتاعتي كور زي منتو شايفين كدا حجم الكوره قد البرتقاله الصغيره كدا في كف ايدي وانتي بتتحكمي في حجم الرغيف زي منتي عوزه انا الاربع كوبايات دقيق عملولي ١١ رغيف حلوين ماشاء الله يعني موش صغيرين عملو معايا ١١ كوره اهم هغطيهم دلوقتي واسيبهم ربع ساعه يرتاحو
دا بعد ربع ساعه شايفين حجمهم اضاعف ازاي هبدا دلوقتي اجيبهم وابدا افردهم بأيدي واحد واحد
شايفين العجينه طريه وبتفرد معايا ازاي من طروتها
الطراوه دي جايه من الزبادي اللي حطينه فيها بصراحه الزبادي بيخليه طري طري مقلكوش ازاي هنفرده بقي واحده واحده كدا معانا وانتي بتفرديه لتخليه تخين اوي ولا رقيق اوي يعني سمكه متوسط نفرد كمان رغيف مبياخدش مننا وقت خالص
انتي ممكن لو معندكيش زبادي ممكن تعجنيه بلبن عادي ومش هيبقي كله معجون بلبن عشان ميبقاش بيشد معاكي كدا ف الاكل هتعمليه بجزء بلبن يعني مثلا كوبايه لبن وكوبايه مايه انا دلوقتي فردتهم اهو انا عندي هفردهم واسيبهم يرتاحوا فهجيب عندي قماشه قطن او فوطه و علي صينيه هفرد القماشه بتاعتي وهحط عليها اول طبقه من الارغفه بتاعتي وافرد فوقها جزء من القماشه واحط فوقها الطبقه التانيه عشان ميلزقوش في بعض كدا عمرهم ميلزقوا في بعض ابدا هحطهم كدا بالشكل اللي انتو شايفنه دا وهغطي عليها وهسبهم حوالي ربع ساعه كمان لما تحسي ان الارغفه اترفعت وخمرت معاكي تاني وارتاحت دا كله عشان يسهل معاكي وقت التسويه وميخدش منك تسويه كتير خالص
هتجيبي عندك هنا هتحطي طاسه علي النار عاليه لما تسخن خالص وهنزل كدا بالرغيف بتاعي اول. لما احس انه بيتحرك من الطاسه كدا هقوم قلباه علي الوش التاني زي منتو شايفين كدا يتشمع بس متسبهوش علي ناحيه واحده لما حس انه عمل فقاقيع كدا هيقب معاكي شايفين هيبدا يقب اول مهشوفه بدا ينفخ معايا كدا ههدي النار خالص وابدا اساعده كدا بالمعلقه واضغط علي الجزء اللي في الهوا عشان يمشي في كل الرغيف
شايفين ماشاء الله ماشاء الله بينفخ معانا بمنتهي السهوله مبيخدش ثواني
٣ ثواني علي الوش دا و٣ ثواني علي الوش دا وبيبقي. خلاص كدا استوي. شايفين علي نار هاديه اول ميبدا ينفخ نهدي النار عشان ميتحرقش وميفضلش معجن من جوا
ننزل برغيف كمان اهو هي ثانيه يدوب نحرك كدا الطاسه بتاعتي وهو خلاص كدا اتشمع هنقلب علي الجنب التاني ونسيبه بردو لما يتشمع نروح قلبينه تاني نسيبه بقي هينفخ معاكي ويرتفع شايفين اول ميبدا ينفخ كدا اهدي النار وتسيبيه ينفخ براحته اهو ماشاء الله والله يجماعه مبيخدش مننا وقت خالص عوزه تحطيه ف الفرن موش مشكله
تولعي الفرن من تحت ومن الشوايه وتحطيه في الرف اللي في الوسط موش هياخد منك ١٠ دقايق ف الفرن مجرد ميرفع كدا وتقومي مطلعاه بس انا بالنسبالي بستسهل في الطاسه كدا بسرعه طلع معانا زي منتو شايفين كدا بالطراوه والحلاوه دي يارب انهارده تكون وصفتنا عجبتكم ولو انتم موش مشتركين ف القناه بتاعتنا واول مره تشوفها ياريتً تشتركوا وتعملولوا لايك علي الفيديو بتاعنا واشوفكم علي خير في الوصفه الجايه ان شاء الله
اقرأ أيضاً