النهاردة هنعمل احلي حواوشي اسكندراني او لحم بالعجين تعالو نشوف.
انا معايا هنا اربع كبايات دقيق عليهم رشه ملح ومدوبة معلقة خميرة كبيرة ومعلقة سكر في ماية دافية وهنزل بيها دلوقتي علي الدقيق بتاعي، هقلب كويس ادخل الخميرة في الدقيق كله وعندي ماية للعجن علي حسب مانتي الدقيق بتاعك هياخد ماية قد ايه، نزلت هنا بشوية ماية وهقلب كويس هنزل كمان بشوية ماية وهقلب بقي كفاية ماية كدا هنلم كل العجين بتاعي بقي من البولا والدقيق كله هيتلم هلم كويس خلاص هو تقريبآ كدا اتلم خلاص اهو انا لميت العجينة هنزل دلوقتي بمعلقتين زيت كبار انا مبحبش ازود الزيت في عجينة الحواوشي لان بحس انه قلب شبة الفطير كدا خلاص العجينة لمت اهي هسيبها بقي تريح معايا نص ساعه او ساعه لو الجو ساقع اوي هنا خمرت اهي وارتاحت هبدأ اجيب عندي هعمل العجينة كور صغيرة قد البرتقاله الصغيرة اهو.
طريقة عمل الحواوشي الاسكندراني
انا الاربع كبايات دقيق عملو معايا اربع ارغفة بس ارغفة كبيرة لو انتي صغرتي شوية هيعملو معاكي ٦ او ٨ ارغفة صغيرين انا كدا كورتهم خلصت الكمية بتاعتي واسيبها ترتاح ونيجي للحشو بتاعتنا دول اربع بصلات متقطعين مكعبات زي مانتو شايفين كدا هنزل عليهم بنص كيلو لحمة اهم حاجه في اللحمة بتاعتك ان الدهن بتاعها عالي علشان تمسك جوه رغيف الحواوشي كدا ومتتفتتش ومش تطلع منه وبعدين حلاوة الحواوشي والسر الخطير بتاع المحلات ان الدهن بتاعه كتير فأنا هقعد اقلب كدا في اللحم بتاعي وهنزل بفص ثوم فلفل اسود كمون كزبرة ناشفة بس هي دي البهارات ومعلقة ملح كبيرة انا مبحبش ازود بهارات الحواوشي عن كدا لان بصراحه اللحم بالذات لما بتزودلها بهارات كتير طعمها بيروح مبتحسيش بطعم اللحمه خالص انا كدا خلاص عجنتهم كويس بإيدي لحد لما احس ان اللحمه كلها الدهن ماسكة في ايدي شايفين هجيب دلوقتي العجين بتاعي وابدأ افرده اهو خمر وبقي زي الفل هفرد دلوقتي انا زي مقولتلكم عملتة ارغفه كبيرة مدور كبير انا فردتة كبير ماشاء الله معنول في صينية صغيرة اهو بس وانتي بتفردي متسيبيهوش تخين اوي او رفيع اوي يعني يادوب سمكة يشتال اللحمة اللي انتي هتفرديها عليه انا طبعآ وانا بفرد هنا مشغلة الفرن بتاعي مسخناة علي درجة حرارة ١٨٠” وسط يعني.
وسيباه يسخن براحته علشان لما ادخل العجين بتاعي ميطولش في الفرن ويستوي بسرعة.
حوواشي اللحم بالعجين
بفرد الجزء الثاني اهو وانتو اسهلكو طبعآ بتفردو العجين وتاخدو واحده بواحده تعملو الساندوتش مرة واحده انا كنت مستعجلة فبعمل واحد بواحد وادخل الفرن هتلفية بإيدك زي مانتي شايفة هطبق الحروف بتاعته علي بعض واقوم عطيالو ضغطه وفرده كدا واقلبو الناحية الثانية هفردو فرده بإيدي كدا واسيب الحروف من تحت وبفرشة ودهنت زيت علي الوش اهو وهجيب الصينية بتاعتي وفيها زيت بردو وعليها الساندوتش وادخله الفرن ادي ساندوتش كمان فردت عليه اللحمه هجيب الجزء الثاني وافردو بردو عايزه اقولكو ان كان طعمة تحفة ريحة اللحمة طالعة تجنن مقولكوش خلاص فردتها هجيب بردو اعمل نفس الكلام المرة الاولانية هطبق الحروف علي بعض اهو بالظبط كدا وهديلها ضغطة بردو علشان متفكش مني وهو بيستوي وهقلب الناحية التانية انا كدا بوزع اللحمة في كل الساندوتش خلاص كدا دهنت الزيت بتاعتنا بردو بالفرشة انتي عايزه تدهنية سمنة مش مشكلة عادي خالص اهو في الصينية بتاعتي واحطها وادخله الفرن علي حرارة وسط نص ساعه طلع بالشكل اللي انتو شايفينة دا كان تحفة مقولكوش عامل ازاي اتمني يارب تجربو الوصفه بتاعتنا مستوي ومورق واللحمه مستوية وزي الفل.
اقرأ أيضاً
