النهارده هنعمل شوية سمان حلوين اوي محشيين مارتة بالكبد والقوانص متحمرين في شوية سمنة طعمهم تحفه تحفه تحفه.
احسن حاجه تعملي بيها السمان إنك تحشية مارتة كدا ويبقي طعمة رائع بصراحة تحسي انك بتاكلي بط كدا تعالو شوفوا هنعملو ازاي.
طريقة عمل السمان بالمارتة
انا عندي هنا السمان غسلاه ونقعاه كويس في ليمون وخل وملح وبصلة والكبد والقوانص وملح وفلفل هاجي في الطاسة عندي شوية زيت وهنزل بالبصلاية اللي انا مقطعاها وعليها الكبد والقوانص وتشويحة صغيرة كدا قبل منحشيها في قلب السمان
التشويحة بتاعت البصل والكبد والقوانص دي بتفرق اوي في طعم السمان وفي طعم المارتة نفسها لما بتيجي تاكليها بتبقي طعمها فظيع
نزلت كدا بشوية فلفل وملح صغيرين وهقلب تقليبتين كدا مش هسوي البصل وهديلو تشويحة بس متساويهوش علشان ميعجنش في قلب السمان خلاص هنا اتشوحت اهي بقت خلاص كدا حلوه اوي
دا البصل اللي شوحناه وعندي السمان اهو وحبة فلفل صغيرين في طبق كدا نعمل اي دلوقتي
شايفين الرقبة دي انا هدخلها جوه علشان الحشو ميقعش من الفتحة بتاعت رقبتها شايفين انا دخلتها ازاي حتي هي باينة من جوه من السمان هناخد علي صابعي شوية فلفل وهندهن السماناية من جوه علشان اي ريحة ظفارة تروح خالص اهو
هنعمل الرقبه دي كدا بلفها كدا وادخلها جوه في منتهي السهولة خالص اهو وهعمل نفس الحركة شوية فلفل صغيرين وندهن السمانه من جوه اعملهم كلهم بنفس الوضع كدا الحركة دي بتخلي معندكيش اي ريحة ظفارة خالص سواء فراخ سواء بط سواء سمان اي حاجه هجيب دلوقتي السمان بتاعي وابدآ احشية زي مانتي شايفة كدا انا بحب احشية بإيدي بتبقي اسهل واحسن وبعرف انا حطيت قد ايه الاربع سمانات يادوب اخدو بصلة متوسطة هو السمان صغير مبياخدش اكتر يمكن لو حسبتيها مبياخدش اكتر من معلقة كدا اهو هعمل دي كمان عاوزه اقولكو ان السمان بيستوي بسرعة اوي مبياخدش وقت علي النار خالص
اخر واحدة معانا وكدا اتحشي كلة خلاص انا دلوقتي هستخدم خلة السنان دي اقفل بيها السمان بتاعي
ادخل الرجلين وبالخلة بتاعتي هبدأ اقفل الحتة المفتوحة دي خالص شايفين زي ميكون بخيط بالابرة بالظبط علشان المارتة دي ماتقعش مني.
طريقة تسوية السمان
في الحلة نقطة زيت سبتها لما سخنت حطيت فصين مستكة دابو كدا في الزيت هنزل كدا بالسمان بتاعي متشوح من الجوانب اهو انا عايزاه بس ايه لونه يتغير ياخد تشميعة من كل الجوانب اللي انا مش هحمرة نزلت ببصلة متقطعة مكعبات فلف اسود كمون كزبرة ورقتين لورا وهقلب الكلام دا كلة كويس وهغطي وهسيبهم دقيقتين بالظبط علي نار هادية خالص لما ريحة البهارات تتحمص وتاخد من ريحة البصل والسمان الحركة دي بتفرق اوي في طعم السمان هزود عليه ماية بس هحط ماية سقعانة مش هحط ماية سخنة البط والسمان لازم يتحطلهم ماية ساقعه علشان يطلعو الريم اللي انتو شايفينة او اي ظفارة تروح منه خالص هبدأ اشيلو بالمعلقة واحدة واحدة لحد لما الشربة بتاعتي تبقي صافية خالص ومش فيها اي حاجه
خلاص شيلتها اهو هسيبو دلوقتي يغلي لحد مالسمان يستوي خالص وبعدين نشوفة مع بعض
غلي خلاص بعد ما استوي شوفو ماسك نفسة مفكش المارتة مخرجتش منه حلو اوي ومستوي كويس اوي مش مهري ولا سايب من بعضة خالص
السمان دي احلي طريقة يتعمل بيها نحمرة في شوية سمنه دلوقتي هيطلع زي مانتو شايفين كدا طعمة كان تحفة شايفين مستوي كويس والمارتة مستوية جوه ازاي مش معجنة خالص اهي شايفين حلوه اوي يارب وصفتنا النهارده تكون عجبتكم متنسوش تعملو لايك للفيديو بتاعنا وتشتركوا في القناة بتاعتنا لو مش مشتركين