مواصفات امتحان اللغة العربية للثانوية العامة 2025 ، كثير من طلبة الثانوية العامةيقوموا بالبحث عن مواصفات الورقة الامتحانية، والبحث بالتاكيد عن تفاصيل شكل الامتحان وطريقة توزيع درجات امتحان اللغة العربية للثانوية العامة 2025، وطبعًا التعليمات المهمة اللي لازم تلتزم بيها جوه اللجنة عشان ما تضيعش مجهودك على حاجة بسيطة.
في المقال ده عبر موقعنا صباح مصر، هنعرفك كل اللي محتاجه عن نظام الامتحان، وهنرتبلك الخطوات بطريقة مريحة وسهلة.
مواصفات امتحان اللغة العربية للثانوية العامة 2025
امتحان العربي هييجي في ورقة واحدة فيها **55 سؤال**، منهم:
- 51 سؤال اختيار من متعدد، بتحلهم في ورقة البابل شيت، وبيكونوا بدرجة إجمالية 70 درجة.
- 4 أسئلة مقالية، بتحلهم في ورقة منفصلة مخصصة للأسئلة المقالية، ودرجتهم 10 درجات.
- يعني الامتحان كله بيبقى على 80 درجة، وبيخلص في مدة واحدة قدرها 3 ساعات متصلة بدون أي استراحة بين الجزء الاختياري والمقالي، علشان كده ركّز في توزيع وقتك.
شكل ورقة امتحان العربي للثانوية العامة 2025
أول ما تدخل اللجنة، هتستلم:
بوكليت الأسئلة (اللي فيه كل الأسئلة).
ورقتين للإجابة:
واحدة للبابل شيت (لأسئلة الاختيار من متعدد)
والتانية للمقالي (لـ 4 أسئلة فقط)
المهم تكتب بياناتك كاملة في الورقتين، ومينفعش تكتبها في واحدة وتنسى التانية، والبيانات هي:
- اسم الطالب.
- رقم الجلوس.
- تظليل رقم الجلوس.
- تظليل رقم نموذج الأسئلة.
مواصفات امتحان اللغة العربية للثانوية العامة 2025 ارشادات امتحان اللغة العربية للثانوية العامة 2025
في أول ربع ساعة من بدء الامتحان، المراقب هييجي ويدبس ورقتين الإجابة مع بعض، علشان كده لازم تتأكد إن بياناتك مكتوبة بنفس الشكل في الورقتين، ومتنساش تراجع التظليل كمان، الخطأ البسيط في التظليل أو ترك خانة فاضية ممكن يتسبب في مشكلة في التصحيح الإلكتروني، وده مالوش تدارك بعد خروجك من اللجنة.
خليك مستعد، وراجع التعليمات كويس، وابدأ الامتحان وإنت واثق، بالتوفيق لكل طلاب الثانوية العامة 2025، وربنا يكتبلكم النجاح من أول مادة.
يمكنك أيضًا متابعة:
