كل شئ بأوان
هتسعي قد ما تسعي يا أنسان
مش هتوصل غير في التاريخ والزمان
اللي مكتوب هيكون
لو عملت اية في الكون
متستعجلش علي حاجة دي العجلة من الشيطان
والمصائب بتظهر الأيمان
وتعرفك من بيحبك ومن خان
…………………
لو صبرت هتخد حقك
ومهما تعمل هو ده نصيبك
أنا مش قصدي نكسل
وننام في العسل
لازم تعرق وتتعب وتشوف
ف الدنيا ياما هتشوف
مسيرهل تتعدل مهما تتصعب الظروف
…………………
شغل دماغك فكر علي مهلك
خطط دبر استشير اهلك
في النهاية أجرك هيجلك من ربك
علي قد نيتك و تعبك
مش كلنا بنعمل نفس المجهود
فينا اللي عايش مرتاح وفينا اللي واقف علي الحدود
……………………
فينا الي الهموم عليه بالكوم
لكنه بطل لما بيقع بيقوم
وفينا اللي رفع الراية من أول قلم
كل واحد له طاقة في اللي بيعافر للنهاية
وفي اللي بفشل من البداية
طول ما انت عايش هتشوف كتير وشوش
وحلاوتك لما تتقألم وتبقي في مشكلتك معلم
ولازم من اي تجربة تتعلم
وده الفرق بين واحد والتاني
واحد متسرع وواحد متأني
المتسرع بيستعجل وبسرعة عايز
والمتأني بيهدأ وبيبقي الفائز
…………………..
اقرأ أيضا
