بدعيلك فى صلاة الفجر
وشعرى على السطور يجرى
وكلامى على طول دوغرى
مساء الخير عليك ونور
واحفظ معايا كدة الاحلام
لاتنام ولا انام
ماعلى العاشق ملام
بحبك اكثر من بكرة
زى موسيقى بصوت الناى
زى ضحكة فى لمة عيال
زى الرياح القوية
والوشوش ساعة السفرية
زى طفلة يوم العيد وبتاخد عيدية
النجمة فوق فى عنيها ضوء شدت عنية
مديت اديا
رفعتنى ليها
قالتلى (بحبك )حضنتها
همسوا صحابها يابختها
والدنيا تلف ساعتها بينا
بتلقفينا
بكف حانى
قلبى ابتهل
قولى بحبك فى وقتها
تفضل حياتنا للمنتهى
يااامركبة يااامركبة
القلب بين الناس تايه وحيد
وحبيبى عن حضنى بعيد
ما اطولش شىء لو امد ايد
نمت وصورتة فى عنية
حبيبى قام وسأل علية
بيقول هى راحت فين
ياشوق يا مقطوع الايدين
الشيب هيعلى على شعور الصبا
يااامركبة
مين راح قاله انى بحب الحرير
والتل فوق سقف السرير
مين قاله انى عاشقة للتعب
والليل عقاربة مدبدبة
هاخدة معايا للشط البعيد
ونجيب شموشنا الغاربة
يامركبة يامركبة
اقرأ أيضا
