انتى اللى تتحبى بضمير
وعمر عيني لغيرك تميل
ملقتش، لروحك بديل
انتى حبى الاول والاخير
انتى الجميلة المتواضعة
راضية بالمقسوم والقليل
انتى اللى فى حبك تابوا
ومعرفتش انا الشاعر
عن هواكى . اميل ..
حبيتك حب ملكة
.عشان كنت بالنسبالك امير
انتى حبى الوافى
ليا حبى الكافى
دايما جمبي سند
والاقى طبطبتك على كتافى
قوليلى مين يعرفك
ويعرف غيرك !
لو شافوا رقتك
يعجزوا عن تشبيهك بالحرير
لو شافك ابليس
يتوب عن شره
ويبقالك اسير
انتى اللى فى عشقك غنالك منير
انت اللى فتح على اديكى الضرير
انتى المعاهدة فى الحروب
انت الروقان لحظة غروب
انتى دعوة حلوة من غلبان
انت بق المية للعطشان
طوق النجاة للغرقان
دوى للمريض
طريق للشريد
صورة مرسومة بتحمد ربنا
قريبة من القلب حتي لو كان طريقك بعيد
خليكى جمبى ارجوكى
ضى عنية
عكاز ايدية
انتى نعمة من ربنا ليا
نفسى تكونى جمبى
مع اخر نفس ليا
واكون ماسك ايديكى
وصورتك في عيني حبك في قلبي
لحد ما امشى من
الدنيا دية
وهفضل اقولها فى كل مكان
ا(انتى حبى الاول والاخير )
انتى اميرتى وعمر عينى لغيرك #تميل
..
اقرأ أيضا
