كلميني يا رصاصة .. كلميني وطمنيني؟؟
لما كنتي في قلب ابني.. اتوجع؟؟
طب كان بيبكي؟؟ طب مات جدع؟؟
طب حس بيكي او اتصرع؟؟
و انتي داخله بكل قسوة تقتليه..
كنتي عارفة انك رايحة تحرميه
من حياته ومن حياتي؟؟
هوه كان اطيب ولادي..
كان يوماتي يبوس ايديه.. و يقرأ كل اللي في عنيه..
و كان بيقضي حاجاتي ليه..
كنت لما يوماتي اصلي..
ادعيله من كل قلبي..
يفضل طول حياتي سندي..
و بعد ما اموت يبقى لي صدقة.
بس انا عشت وهوه مات..
ارهاب خد عمره سرقه..
و ساب بموته في قلبي حرقه..
يا رصاصة.. هوه انتي حالفة تختاري الشباب؟؟؟
و بعد موتهم برضه حالفة تسكني جوه قلب الأمهات؟؟؟
كلميني يا رصاصة.. كلميني يا رصاصة
لما كنتي في قلب ابني.. اتوجع؟؟
طب كان بيبكي؟؟ طب مات جدع
تقدم بوابه صباح مصر صور إجابة امتحان اللغة العربية لطلاب الثالث الاعدادي في محافظة دمياط الفصل…
تقدم بوابه صباح مصر الجدول المعتمد من الدكتورة منال عوض محافظ دمياط، بحسب الترم الثاني…