شاعر في رسالة لمحافظ دمياط “جربي مرة تمشي في حارة وشوفي إزاي الناس عايشين”

كلمات بسطية وجهها الشاعر : رزق جادو الى محافظ دمياط الدكتورة : منال عوض بدأت بـ “جربي مرة تمشي في حارة وشوفي إزاي الناس عايشين”.

وتابع جربي مرة تمشي في حارة،وشوفي إزاي الناس عايشين،تلقى زحام وخناق ومشاكل،تلقى بجد الوضع مهين،تلقى شوارع متر في متر،فيها يادوب تمشي الرجلين،واللي فاتح له فيها دكانة،وفارش شغله ع الجنبين،تلقى شوارع فيها 100حفرة،مليانة زبالة ومية وطين،تلقى شوارع شبه مخازن،اخشاب مرصوصة ع الجنبين،على رأس الحارة شوارع أوسع،مليانة قهاوي وباعة جائلين،تلقى القهوة قصادها القهوة.

بينما قال ايضا حريمنا إحتاروا يمشوا منين، تلقى عجوز ماشي بالعافية،وجنبه بيجري موتسكلين،ولاعارفين إزاي هنساعده،بكرة الدور جي على مين،واللي يقولك وسع حاسب،أنت خلاص مالكش عنين،وأنا والله سكني في حارة،وشارع بيتنا يادوب مترين،غصب عني مش بايديا،نفسي اعزل طب اروح فين،مساكن الدولة للاغنيا ،المساكين يطولوها منين،وأنا لسيادتك ببعت شكوى،آمال نشكي بس لمين،أملنا كبير في الله وسيادتك،عايزين نبقى بني أدمين.