حكاية قط دمياط
انا عذبت قط “روح صامتة”، بهذه الكلمات الحزينة بدء الطبيب عاصم عبد الوهاب احد سكان مدينة دمياط الجديدة، عبر صفحته على الفيس بوك بعدما اصيبت قطة لفترة طويلة، مشيرا الى انه تحمل الذنب خلال تلك الفترة الماضية، قائلا: ولو كان مات كنت شيلت ذنبه مدى الحياة.
ويروي “عاصم” تفاصيل الحكاية قائلا: “علشان بس كنت مستعجل ونسيت اشيك ايه ممكن يكون جوه كبوت العربية او جنب كاوتشات العربية زي ما والدي كان دايما ينصحني وخصوصا في الشتاء ، ده حال القط بعد ما اتحركت بالعربية وكان بيحاول يهرب وهو صغير وملحقتش فا اتعور جامد وحاولت اجيبه معرفتش”.
وتابع” اتفاجئت بعد تقريبا شهر ونص القط الصغير ده قدام البوابة لبيتنا يادوب مش قادر يتحرك وجاله عدوى شديدة بسبب تدهور حاله مع الوقت فقد بسببها عين واحدة فقولت دي رسالة من ربنا ان ده ذنبي ولازم اتحمله ووديته فعلا للدكتورة مروة الغباري وعيادتها في اول شارع الصعيدي بمدينة دمياط الجديدة، علشان تعالجه وكانت سبب في علاجه الحمد لله ورجع اسد وانا بشكرها جدا”.
واخيرا اختتم “عاصم” حديثة عبر صفحته قائلا:”اترددت كتير احط البوست ده ولا لأ ولكن قررت ارفعه لاهمية الموضوع لانك ممكن تضيع او تعذب روح صامتة بسببك وخصوصا الشتا الي داخل علينا لازم تشيك الصبح وصدقني دي مسؤولية عليك”.
إقرأ أيضاً
استجابت الوحدة المحلية لمركز ومدينة دمياط، اليوم لمطالب المواطنين، وعلمت على تكثيف أعمال تطهير مصرف…
واصلت مديرية الطب البيطري بدمياط، اليوم حملاتها المكثفة لمتابعه سير العمل داخل المجازر. مع…
