مؤلفه مسلسل “شقة 6″:”انا بخلي مسؤليتي عن العبث ده وعن النهاية العشوائية المشوهة”

مؤلفه مسلسل “شقة 6″:”انا بخلي مسؤليتي عن العبث ده وعن النهاية العشوائية المشوهة”
مسلسل شقة 6
https://www.sba7egypt.com/?p=502495
ياسمين محمد
موقع صباح مصر
ياسمين محمد

شنت سعاد القاضي أحد مؤلفي مسلسل “شقة 6 ” هجوم كبير علي المخرج  المسلسل محمود كامل ، عقب عرض الحلقة الاخيرة علي منصة شاهد ، وغضب الجمهور من نهاية الأحداث.

كتبت سعاد القاضي منشور علي حسابها الشخصي عبر موقع التواصل الاجتماعي الفيسبوك قائلة:”زملاء كتير نصحونا بالسكوت عن العبث والمهزله اللي حاصله عشان احنا لسه جداد في السوق والناس ممكن بعد كده ماتحبش تتعامل معانا او تخاف وتقول دول بتوع مشاكل.. بس انا عن نفسي وانا مسؤله عن كتابة البوست ده بشكل شخصي ومستقل”.

وتابعت:” حقيقي لو هو ده طريقة الشغل في السوق وهو ده العبث اللي داير فانا حقيقي مش عايزه اشتغل مع حد ممكن يقلق من حد مابيسبش حقه لأنه ببساطه هيبقى عايز يدوس على الحق ده .. دايماً طموحنا اننا نقدم حاجه تليق بعقلية المشاهد وتخاطب عقله ووجدان .. النهايه مؤسفه مايكتبهاش طفل في تالته ابتدائي ومش ده اتكتب في الورق بتاعنا ولا ده اللي تم ترقيبه في الرقابه ودي لوحدها جريمه “.

منشور سعاد القاضي

منشور سعاد القاضي

أضافت:”انا بخلي مسؤليتي عن العبث ده وعن النهاية العشوائية المشوهه .. بخلي مسؤليتي عن عمل مُخجل بكل معنى الكلمه.. وبمناسبة اني قررت التصريح .. فلازم تشوفوا معايا شوية كواليس .. زي ان صاحب مطعم يتكتب له دور ويتفتح خط درامي مالوش علاقه بالقصه عشان الأستاذ قائد العمل يروح ياكل ويقعد ببلاش هو واصحابه اللي بالمناسبه كلهم اشتغلوا واتعملهم ادوار مالهاش علاقه بالدراما .. اشي دكتور صاحبه واشي بنت اخت مش عارفه مين وحماة مين واللي واخد بنتهم الكبيره كل دول طبعا لازم يشتغلوا والا يزعلوا فتعالوا نزعل المؤلفين دول شباب لسه بتبدء يعني الورق مالوش اصحاب .

اختتمت سعاد القاضي حديثها بتقديم الشكر للفنان صلاح عبد الله،  الفنان تامر نبيل، حمزة العيلي، قائلة:”وحقيقي لو كنت اتشرف بحاجه في العمل ده فانا تشرفت بالناس النجوم المحترمين ولاد الاصول الناس اللي حاولت قدر الامكان بخبرتها وبفنها واداءها العظيم لتنقذ مايمكن انقاذه .. الأستاذ عمنا كلنا صلاح عبدالله .. استاذه سما ابراهيم .. استاذ حمزه العيلي .. استاذ تامر نبيل .. لهم مني جزيل الشكر والتقدير .. واخيراً انا بعتذر لحضراتكم ولكل متفرج تابع بشغف ولولا المسائله القانونيه ماكنت تراجعت عن نشر الورق الأصلي..مش عارفه ممكن اوعدكم بعمل تاني ولا لأ بس انا فعلاً مش عارفه اذا كنت ممكن اكمل في وسط كل العبث ده .

الجدير بالذكر ان مسلسل “شقة 6″بطولة روبي، صلاح عبد الله، أحمد حاتم، رحاب الجمل، تامر نبيل، حمزة العيلي ، تأليف سعاد القاضي، محمود وحيد، رفيق القاضي، إخراج محمود كامل.

اقرا ايضا

عرض أولي حلقات شقة 6 لـ روبي …غدا