وجه المطرب رامي جمال رسالة شكر وامتنان للجمهور الذي دعمه في أزمته الأخيرة، عقب إعلانه إصابته بـ مرض البهاق، ومشاركته الجمهور في اتخاذ القرار بين الاعتزال أو أن يتقبله في هيئته الجديدة، موجهاً الشكر والامتنان لكل من سانده في تلك المحنة.
وكتب رامي جمال، عبر حسابه بموقع تبادل الصور والفيديوهات أنستجرام، قائلاً: “الحمد لله أولًا وأخيرًا، أنا عاوز أقول كلام كتير عن اللي شوفته منكم، كلمة شكرا قليلة على مشاعركم وعلى رقي كلامكم وعلى الوقت اللي ضيعتوه علشان تحسنوا الصورة المظلمة اللي كانت في عيني أنا بقيت شايف الابتلاء ده هدية من ربنا علشان أشوف الحب ده والله دموعي مبتقفش وأنا بشوف كلامكم”
وأضاف: “إوعوا تبخلوا على أي حد بدعم نفسي زي اللي دعمتوني بيه، إحساس الحب بينور الدنيا، بيرجع الروح والأمل اللي أنتم عملتوه ميتقدرش، ثانيًا عاوز أشكر زملائي الفنانين على كل كلمة حلوة وكل دعم شفته هي دي الروح اللي نفسي تفضل موجودة مش بس بعد المرض ولا الوفاة، الكلام الحلو قولوه على طول ليا ولغيري بيفرق جدًا”
واختتم “جمال” رسالته، قائلاً: “الحب بيغير الضلمة لنور ثالثا لكل القنوات اللي بتحاول تتواصل معايا من امبارح علشان تطمن عليا، بشكركم جدا بس أنا كتبت البوست ده علشان أنهي حمل على قلبي مش علشان أبقى تريند، بشكركم طبعا، بس أتمنى لما تقرروا تستضيفوني يبقى على عمل فني مش مرض، مقدر شغلكم طبعا بس أنا مش قابل فكرة مريض، أنا الحمد لله اتأكدت بكلام الناس اني مش خايف ومش هترفض فبلاش أي حاجة تتفهم غلط شكرا على اهتمامكم ومقدره”.
ذات صلة:
رامي جمال يكشف عن إصابته بمرض البهاق ويفكر في اعتزال الفن
