حوار – إيمي عبده: لن أتخلى عن حجابي مهما كانت الفرص والإغراءات وانتظروا برنامجي قريباً

حوار – إيمي عبده: لن أتخلى عن حجابي مهما كانت الفرص والإغراءات وانتظروا برنامجي قريباً
إيمي عبده
https://www.sba7egypt.com/?p=197593
فاطمة عبدالحميد
موقع صباح مصر
فاطمة عبدالحميد

قدمت عديد من الأغنيات لكنني أرغب في تصنيف إعلامية وليس مطربة

بهاء سلطان وهيثم شاكر أحب المطربين الموجودين على الساحة إلى قلبي

الغناء لم يكن موهبتي الأولى ولا أرفض أغاني المهرجانات

والداي أول من شجعاني على دخول مجال الميديا

 

إيمي عبده، إعلامية ومطربة وفويس أوڤر، شكّل حلمها منذ الصغر في أن تصبح مذيعة هدفاً سامياً يستحق السعي إليه، مما دفعها للعمل والجد والاجتهاد لتحقيقه، سلكت العديد من الطرق للوصول إلى ذلك الحلم وتلك الغاية فكان لها الله خير معين، فعملت مذيعة راديو ومذيعة تليفزيون بإحدى البرامج، وتستعد حالياً لطرح برنامج جديد أيضاً.

حرص موقع صباح مصر على التواصل مع الإعلامية الشابة إيمي عبده، للتعمق أكثر داخل كواليس حياتها التي تخفيها دائماً الكاميرات، وذلك من خلال حوار صحفي يكشف لنا أسرار جديدة عن إيمي عبده، فكان حوارنا معها كالتالي:

 

إيمي عبده

إيمي عبده

 

 

عرفي عن نفسك للجمهور

 

أنا اسمي إيمي عبده، أنا إعلامية وفويس أوفر، اشتغلت مذيعة راديو، اشتعلت متحدث إعلامي لميوزيك تون وترأست قسم اكتشاف المواهب الجديدة فيها، اشتغلت فترة كبيرة على تدريب الصوت، وبعدين مذيعة تليفزيون.

 

عند فترة معينة من حياتي حسيت إني محتاجة أذاكر أكتر ويكون معايا شهادة فأخدت دكتوراة في الميديا من الأكاديمية السويسرية العربية، وبعدها درِّست لمجموعة من الشباب الجديد في نفس الأكاديمية بعد ما حصلت على الدكتوراة، وعملت برنامج تلفزيوني اسمه “غداً أفضل” لرئيس التحرير أ. أحمد رشدي، وفي الفترة الأخيرة اتعرفت بصورة مقبولة جداً على السوشيال ميديا كمان، وأخيراً عملت راديو اون لاين مع المخرج تامر حربي اسمه “جيل جديد”.

 

ماذا عن موهبة الغناء ؟

 

الغناء لم يكن موهبتي الأولى من البداية، أنا من صغري حابة أكون مذيعة، فكنت عايزة أعمل CV كويس لنفسي عشان اقدر أدخل مجال الميديا، فاشتغلت واتدربت فويس أوفر مع د. شاكر الموجي، وعملت كام أغنية وإعلانات في الراديو في نفس الوقت لإني كنت بحاول أسعى في كل الإتجاهات لحد ما أثبتت نفسي كويس الحمد لله، لكن أنا حلمي هو الإعلام مش الغناء.

 

إيمي عبده

إيمي عبده

 

 

ما رأيك في أغاني المهرجانات ؟

 

مش بتضايق منها خالص، وأنا من أول الناس اللي استضافت مطربين المهرجانات، أنا بس كل اعتراضي على الألفاظ والكلام الهابط في بعض الأغاني دي، يعني طول ما المهرجان ده واخد قضية معينة وبيطرحها بألفاظ لائقة زي أغاني الراب كده ما بتطرح قضايا مهمة فهو مقبول جداً ومش برفضه ومش ضده خالص، لكن أنا ضد أي مهرجان في إيحاءات وألفاظ خارجة لإن ده مش مقبول نهائياً.

أنا مسمية المهرجان ده اختراع ليه نجاحه الخاص وليه فئة كبيرة بتحبه وبتشجعه، لكن لازم ليه عملية تقنين من حيث المزيكا والكلمات كمان، وأؤيد جداً إن يتعملهم أي حاجة شبه النقابة كده تخضع ليها الأغاني دي، بحيث يتعملها عملية تقنين عشان يغنوا صح طالما هما كده كده موجودين واتفرضوا علينا وعلى الشارع المصري.

 

 

هل تعتقدين أن يسبق مطربي المهرجانات المطربين الكلاسيك ويظهر لونهم الغنائي بوضوح أكثر ؟

 

لا أعتقد، لإن كل واحد ليه الحتة بتاعته والحياة كلها تنوع واختلاف من شخص لآخر، يعني زي ما في ناس بتحب الكلاسيك في ناس بتحب الشعبي في ناس بتحب المهرجانات، وفي ناس بتجمع ما بين كل الألوان، ومش كل وقت هنحب نسمع كلاسيك أو قديم، ولا في نفس الوقت طول الوقت هنسمع مهرجانات، ده مطلوب وده مطلوب وفي الآخر محدش بياخد مكان حد.

 

اذكري اسم مطربة قديمة ومطرب وسطي ومطرب من الجيل الحديث تحبينهم

 

من القديم بحب أم كلثوم جداً .. ومطرب وسطي بحب عمرو دياب .. ومن الجديد بهاء سلطان وهيثم شاكر

 

إيمي عبده

إيمي عبده

 

 

إلى أي لون غنائي تميلين ؟

 

اللون الطربي هو رقم واحد طبعاً .. زي وردة ونجاة وشادية وأم كلثوم

 

 

ماذا عن رد فعلك إذا سنحت لكي فرصة كبيرة لدخول عالم الميديا مقابل التخلي عن الحجاب ؟

 

الفرصة بالفعل جات بدال المرة مرتين، وكانت في قنوات مهمة ومعروفة، لكن رفضت لإن كان عندهم شرط أساسي تخضع ليه سياسة القناة وهو إني مبقاش محجبة، أنا دخلت الميديا بالحجاب وهكمل فيها بالحجاب، لإن ده مبدئي واعتقادي ومش حابة أتخلى عنه خالص، وأنا مؤمنة كمان إن الموهبة هي اللي بتفرض نفسها والفنان الحقيقي هو اللي يطوع الظروف لصالحه، وأنا شايفة أن شكلي مقبول ومش مستفز خالص بالحجاب.

 

ماذا عن جديد إيمي عبده ؟

 

أغاني لا معنديش حاجة جديدة، وآخر حاجة عملتها “فويس أوفر” في الإعلانات كان إعلان شركة We، وإتعرض عليا أغاني لكن رفضت لأني مش حابةخالص أتصنف مطربة، أنا عملت أغاني آه لكن مش حابة أكمل في الغناء أنا حابة الإعلام وعايزة أتصنف إعلامية، وحالياً بجهز برنامج اسمه “ڤرايتي” وده برنامج بتاعي وقدمته قبل كده في الراديو، وإن شاء الله هقدمه تلفزيون قريب جداً، وهو برنامج متنوع.

 

من أكتر شخص ساعدك خلال مشوارك على المستوى الشخصي ؟

 

ماما وبابا الله يرحمه دعموني من أول لحظة، وإخواتي في البداية رفضوا لإنهم خافوا عليا من المجال بس لما شافوا موهبتي ونجاحي دلوقتي بقوا بيدعموني هما كمان جداً.

 

أخيراً  ما هي أخبار قلبك ؟

 

( ؟ )

 

 

إيمي عبده

إيمي عبده