الفنان يوسف فوزي لـ صباح مصر: إصابتي بالشلل الرعاش ابتلاء ومش عايز أصعب على حد

الفنان يوسف فوزي لـ صباح مصر: إصابتي بالشلل الرعاش ابتلاء ومش عايز أصعب على حد
الفنان يوسف فوزي لـ صباح مصر: إصابتي بالشلل الرعاش ابتلاء ومش عايز أصعب على حد
https://www.sba7egypt.com/?p=197056
فاطمة عبدالحميد
موقع صباح مصر
فاطمة عبدالحميد

أحدث الفنان القدير يوسف فوزي جدلاً واسعاً في الشارع المصري وبين رواد مواقع التواصل الإجتماعي خلال الساعات القليلة الماضية، بالتحديد بعد ظهوره في لقاء مصور وقد ظهرت عليه أعراض إصابته بمرض الشلل الرعاش بقوة، مادعا نشطاء السوشيال ميديا لانتقاده وشن هجوما حادا على مصور الفيديو.

 

ومن جانبه حرص موقع صباح مصر على التواصل مع الفنان يوسف فوزي، لمعرفة أول رد منه على تلك الانتقادات، حيث قال عبر تصريح خاص: ” أنا معرفش أتعامل مع التكنولوجيا الحديثة زي أجيال الأيام دي، ومش ملم بكل اللي بيحصل على الصفحات والمواقع الإلكترونية، لكن بيوصلني بعض الكلام وبيكون غير صحيح”.

 

 

وتابع الفنان الكبير: ” كله كلام وقيل وقال، زي ما قالوا بالضبط إني زعلان من الناس عشان مش بتزورني، أنا بقولهم الناس بتجيلي واللي مش بييجي حجته معاه، وعن ظهوري بالشكل ده في الفيديو فأنا اعتذرت قبل كده كتير جدا عن عمل أي لقاءات أو حوارات، وكانت مع إعلاميين كبار في التلفزيون ومش بحب أظهر نهائياً وبعدت عن الأضواء”.

 

واختتم يوسف فوزي تصريحه قائلاً: ” أنا مرضي ابتلاء، وأنا مش عايز أصعب على حد، وحاجة أخيرة أنا مش زعلان من أشرف زكي ولا عمري قولت كده كل دي شائعات، وعمري ما طلبت منه أو من النقابة شيء لإني مش محتاج، وفي غيري أولى بيه وهو محتاجه أكتر مني”.

 

وكان الفنان يوسف فوزي ظهر مؤخراً خلال مقطع فيديو مصور لإحدى المواقع الكبيرة، وأجرى حواراً صحفياً وقد بدت عليه أعراض المرض جلية واضحة، ما دفع رواد مواقع التواصل الإجتماعي من محبي الفنان لانتقاده والهجوم على الموقع، معبرين عن استيائهم لظهوره بتلك الحالة المرضية.