قدمت الفنانة إيمان السيد رسالة شكر إلي جميع الفنانين الذين أعلنوا إصابتهم بفيروس كورونا وتمني الشفاء العاجل لهم.
كتبت الفنانة إيمان السيد علي حسابها الشخصي مواقع التواصل الاجتماعي الفيسبوك قالت:” عارفة إن في شغلتنا دي لو حد تعب سواء كان تعب بسيط أو مزمن، مش بيرضى يقول خوفًا على شغله، ودا لما تعودنا من إن اللي بيتعب بيقعد في بيتهم، وفيه ناس بتتعالج من أمراض صعبة بدون ما أي حد بيعرف وناس بتعلن عن تعباها بعدما يتم شفائها، ورغم كدا بيفضلوا الناس برضوا مترددين يستعينوا بيهم في شغل”.
وأختتمت ايمان السيد:” ولكن لما نكون بنتكلم عن وباء احنا هنا قدام واجب أخلاقي إن الناس لازم يقولوا عشان يقفلوا دايرة العدوى ويحذروا كل المخالطين ودول بدورهم يتعزلوا، شكرًا لكل الناس اللي بيعلنوا عن إصابتهم في كل مجال أو مكان، المرض مش عيب، العيب إنك تتسبب في انتشاره، وربنا يشفي الجميع”.
تشارك الفنانة إيمان السيد مسلسل إسعاف يونس المكونة من 10 حلقات ومن المقرر أن يعرض المسلسل علي منصة watch it وتجسد دور ممرضة للدكتور يونس الذي يجسد دوره محمد نور.
الجدير بالذكر أن آخر أعمال الفنانة إيمان السيد مسلسل نحب تاني ليه بطولة ياسمين عبد العزيز وشريف منير وسوسن بدر وكريم فهمي وعلا رشدي وتارا عماد من تأليف عمرو محمود ياسين.
اقرا ايضا
