نتعرف اليوم على شابة موهوبة ترسم وتألف قصص هادفة للأطفال، هى فيروز خريجة فنون جميلة جامعة الاسكندرية، تزوجت وأنجبت طفلتها، وقررت أن تستغل موهبتها فى عمل هادف من خلاله تساعد طفلتها بأفكار وقصص هادفة وهذا بعد انتشار العديد من القنوات التى تنقل قصص للاطفال ولا تتفق مع طباع وعادات الشعوب العربية.
فقررت أن تبدأ فأنشأت قناة كرميلا وقامت بتأليف قصص راقية وهادفة للاطفال و استغلت موهبتها فى الرسم وقامت برسم لوحات القصة، كما قامت بصوتها الرقيق بإلقاء القصة، والتى تنوعت فيها وتهدف من خلال كل قصة ترويها بصوتها ورسمها للقصة التى يكون لها هدف تعليم الأطفال مبادئ وآداب كثيرة بصورة بسيطة ومفهومة للاطفال، وسوف نتعرف على الفنانة فيروز من خلال الحوار التالي معها.
الاسم: فيروز حسن
المؤهلات الدراسية: بكالوريوس فنون جميلة ..قسم تصوير جدارى..جامعة الاسكندرية
مجال العمل: رسامة ومؤلفة قصص اطفال كرميلا)
الحالة الاجتماعية؟ متزوجة
الهوايات؟ الرسم .القراءة ..الاعمال اليدوية
متى بدأت فكرة القناة، وما هو الهدف منها؟
بدأت فكرة كتابة قصص كرميلا من سنة ونص تقريبا.
هدفى انى اعمل نوع من أنواع قصص الأطفال تكون مسلية وفى نفس الوقت تكون القصة احداثها واقعية وهادفة قصص كرميلا أحداثها يمر بها معظم الأطفال فى حياتهم، فالطفل بيقدر يشوف نفسه من خلال كرميلا و بيشوف هى بتتصرف ازاى.
امنيتك لتحقيق لفكرتك؟
اتمنى ان كرميلا تنتشر على نطاق أوسع بين الأطفال وان يكون لها تأثير ايجابى فى شخصيتهم و حياتهم.
كلمينا عن فكرتك بالتفصيل؟ ومين اللى بيعمل الرسومات؟ ومين اللى بيألف القصص؟
انا فى الاصل رسامة فكل رسومات القصة انا اللى رسماها، والقصص من تأليفي
هل فكرتي تعملي مناهج دراسية للاطفال بنفس طريقة القصص المصورة؟
فعلا فكرت ولو لقيت اقبال او طلب لتنفيذها اكيد هعملها.
هل هناك فريق عمل أم تعملين بصورة منفردة؟
لحد دلوقتى انا اللى بنفذ كل حاجة متعلقة بقصص كرميلا سواء رسم او كتابة أو تسجيل صوتى.
ما هى المعوقات التى تواجهك؟
اى فكرة جديدة او مشروع يواجه فى الاول صعوبات يمكن التحدى اللى بيواجهنى دلوقتى انى اعمل قصص تجذب الاطفال فى زمن الطفل قدامه مغريات كتيرة اوى و متنوعة متاحة له طول الوقت,
زوجك وأسرتك هل يساندون فكرتك؟
كل اللى حواليا عجبتهم الفكرة وحاسين انها مختلفة.
هل وجدتي استجابة من المشاهدين؟
الحمد لله ان معظم الاطفال اللى شافوا كرميلة عجبتهم، بس اكيد عايزة انها تنتشر فى نطاق أوسع.
بتنشري فيديو كل اسبوع ولا أكتر؟
عشان القصة تطلع بصورة جيدة لازم تاخد وقت كافى من ناحية الرسم و كتابة القصة وتسجيل الصوت وكل التفاصيل التانية.
