والدة أدهم شهيد لقمة العيش بالشرقية “عشمى فى سيادة الرئيس يجيبلى حق ابنى إلى بناته أتيتموا من بدرى”

والدة أدهم شهيد لقمة العيش بالشرقية “عشمى فى سيادة الرئيس يجيبلى حق ابنى إلى بناته أتيتموا من بدرى”
أدهم شهيد لقمة العيش
https://www.sba7egypt.com/?p=417006
zafta
موقع صباح مصر
zafta

داخل منزل بسيط مكون من طابقين بقرية الإحراز مركز أبو كبير محافظة الشرقية تسكن أسرة أدهم شهيد لقمة العيش الذى لقى مصرعه يوم الخميس الماضى فى حادث مروع على طريق ههيا.

“ابنى غلبان ومحترم وإحنا فى حالنا ملناش دعوة بحد ومتجوز وعنده بنتين الكبيره ٣ سنين والصغيره سنة ونص وشغال فى محل علشان يصرف على بيته وبيساعدنى على المعيشة لان والده متوفى ومليش غيره هو وشقيق آخر وواحد من ذوى القدرات الخاصة وعايشين فى حالنا ملناش دعوة بحد” بهذه الكلمات سردت السيدة نبيهه 63 عاماً والدة أدهم أحمد السيد الشحات 32 سنة، يعمل بإحدى محلات كشرى بهرية والذى توفى فى حادث مروع أثناء عودته من عمله يوم الخميس الماضى.

والدة أدهم شهيد لقمة العيش

والدة أدهم شهيد لقمة العيش

وتابعت والدة أدهم ابنى استيقظ صباح يوم الخميس الماضى وراح شغله زى كل يوم والحمد لله كويس وصحته كويسه ومش بيعانى من أى أمراض، وفوجئت بشقيق أدهم بيقولى جاله اتصال أن اخوه عمل حادثه على الطريق وراح مستشفى ههيا، وروحنا كلنا جرينا على المستشفى لقينا أدهم الدكتور بيقول عنده كسر فى اليد اليمنى وجروح بالوجه ومحتاج أشعة على البطن والمخ للتأكد من وجود نزيف من عدمه وكان عايش وفيه الروح.

عائلة أدهم شهيد لقمة العيش

عائلة أدهم شهيد لقمة العيش

 

واستكمل محمود شقيق أدهم روحت معاه بالإسعاف على مستشفى الزقازيق الجامعى علشان نعمل أشعة على البطن والمخ ونتأكد أن فى نزيف أو لا لما دخلنا المستشفى الدكتور كشف على أدهم وقالى “دا عنده ضيق حاد فى التنفس (كورونا)”، ومينفعش نعمله عملية أو أشعة غير فى مستشفى عزل وحولنا على الأحرار، روحنا مستشفى الأحرار أخدوا أخويا فى غرفة العزل وخرجونا وكان أخويا محتاج أشعة ضرورية على المخ والبطن وعملية فى اليد اليمنى ورفضوا أى عمليات وحطوه فى العزل تحت الملاحظة.

وتابع محمود قعدنا طول الليل جمبه لعند ما فوجئت الدكتور الفجر بيقولى أخوك توفى شد حيلك، روحت استلم تقرير الوفاة علشان اعمل تصاريح الدفن لقيت الدكتور اعطانى ورقة عادية مكتوب فيها تشخيص الحالة بند أول (حادثة موتوسيكل وسيارة)، وبند ثانى (ضيق حاد فى التنفس كورونا)، وأخويا كان كويس جدا ولا يعانى من أى أمراض صدرية وكل يوم ذاهب لعمله على التروسيكل الخاص به صباحا ويعود آخر النهار ولا يعانى من أى أمراض جسديه يبقا إزاى توفى بكورونا.

عائلة أدهم شهيد لقمة العيش

عائلة أدهم شهيد لقمة العيش

وأردفت والدة أدهم فى حالة بكاء هستيرى إحنا غلابه وعشمنا فى ربنا وسيادة الرئيس والمحافظ وكافة الجهات الأمنية يجيبوا حق بناته إلى أتيتموا من صغرهم ويجيبوا حق أدهم شهيد لقمة العيش، عايزة حد يتبنى قضيته من الجهات الأمنية لأن ابنى مات بسبب الحادث دخلت فيه سيارة واتبهدل على الطريق وليس بسبب كورونا ولكن المتهم بيتهرب من المسألة القانونية وقالولنا كورونا علشان عرفوا إننا غلابه وملناش حد يجيب حقه.

وأختتم الأستاذ أحمد كامل وأبناء عائلة المتوفى وأهل القرية ذهبنا اليوم للنيابة وقابلنا المستشار مصطفى إسماعيل رئيس نيابة ههيا والذى رحب بنا ووعدنا بتبنى قضية أدهم وإسترجاع حق بناته وزوجته ومعاقبة المتهمين فى القضية، وقدموا لسيادته ولكل الجهات الأمنية كل الشكر على دعمهم ووعدهم على بذل كامل الجهود لعودة حق أدهم شهيد لقمة العيش.

اقرأ أيضاً: